تفصیلات کے مطابق دو ماہ قبل ڈویژنل ڈائریکٹر لوکل گورنمنٹ فیصل آباد چوہدری سرور کی طرف سے انکوائری کے بعد سیکرٹری یونین کونسل عمران بھٹی کو ملازمت سے برخاست کر دیا گیا تھا اس کے خلاف جعلی طلاق سرٹیفکیٹ جاری کرنے کا مقدمہ انٹی کرپشن کی عدالت میں زیر سماعت تھا ملازمت سے برطرفی کے بعد عمران بھٹی عدالت میں پیش ہؤا تو عدالت میں اس کی درخواست ضمانت خارج ہونے پر پولیس نے اسے فوری گرفتار کرلیا اور اسے جیل بھیج دیا گیا۔محمد عمران بھٹی شوگر اور ہائی بلڈ پریشر کا مریض تھا گزشتہ شب اس کی طبیعت اچانک بگڑنے پر الائیڈ ہسپتال کے قیدی وارڈ میں منتقل کیا گیا لیکن بر وقت طبعی سہولیات نہ ملنے سے وہ دم توڑ گیا پوسٹ مارٹم کے بعد ڈیڈ باڈی ورثاء کے حوالے کر دی گئی رات گئے سوگواران کی موجودگی میں چک جھمرہ میں اسے سپرد خاک کر دیا گیا ۔واضح رہے کہ ملازمت سے برطرفی اور افسران کے انتہائی جارحانہ اقدامات سے وہ ٹنشن اور ذہنی اضطراب کا شکار ہو چکا تھا اور یہی بات اس کی موت کا سبب بنی ـ
