وزیر ہاؤسنگ اینڈ اربن ڈویلپمنٹ پنجاب بلال یاسین کی زیر صدارت پھاٹا کی گورننگ باڈی کا 104 واں اجلاس ہوا، 21 نکاتی ایجنڈے کو اجلاس میں پیش کیا گیا اور پھاٹا کے بجٹ کی منظوری دی گئی،وزیر اعلیٰ پنجاب کے فلیگ شپ پروگرام اپنی چھت، اپنا گھر اور اپنی زمین اپنا گھر بارے بریفنگ دی گئی،ورلڈ بینک کے اشتراک سے جاری افورڈایبل ہاؤسنگ پراجیکٹ بارے بھی آگاہ کیا گیا،وزیر ہاؤسنگ بلال یاسین نے افورڈایبل ہاؤسنگ پراجیکٹ پر عملدرآمد کو مزید تیز کرنے اور سفارشات پیش کرنے کی ہدایات دیں،بورڈ اجلاس میں افورڈایبل پرائیویٹ ہاؤسنگ اسکیموں کے قوانین میں تبدیلیوں کی سفارشات بھی پیش کی گئیں، پھاٹا کی غیر آباد زمینوں پر آبادکاری بارے بھی پی سی ون پیش کیا گیا،وزیر ہاؤسنگ بلال یاسین نے غیر آباد زمینوں کی فزیبلیٹی رپورٹ اور دیگر سفارشات بارے ہدایات دیں، وزیر ہاؤسنگ نے اپنی چھت،اپنا گھر پروگرام کی کامیابی پر پھاٹا ٹیم کی کارکردگی کو سراہا،اپنی زمین ،اپنا گھر اسکیم کی زمینوں پر جاری ترقیاتی کاموں کو تیز کرنے کی ہدایت بھی جاری کی، انہوں نے واضح کیا کہ عوامی فلاحی منصوبے وزیر اعلیٰ پنجاب کی ترجیح ہے۔
