وزیر اعلٰی خیبر پختونخوا علی امین گنڈاپور کی زیر صدارت محکمہ انرجی اینڈ پاور کا اجلاس منعقد ہوا ۔ متعلقہ کابینہ اراکین، ایڈیشنل چیف سیکرٹری منصوبہ بندی اور دیگر متعلقہ حکام نے شرکت کی۔ اجلاس میں سالانہ ترقیاتی پروگرام کے تحت محکمہ انرجی اینڈ پاور کے جاری منصوبوں پر پیشرفت کا جائزہ لیا گیا ۔ متعلقہ حکام کہ جانب سے اجلاس کو ان منصوبوں پر اب تک کی فنانشل اور فیزیکل پراگریس سے متعلق بریفنگ دی گئی. جس میں بتایا گیا کہ محکمہ کے جاری ترقیاتی منصوبوں پر مالی پیشرف سو فیصد کے قریب ہے۔وزیر اعلٰی علی امین گنڈاپور نے کہا کہ رواں مالی سال کے آخر تک ان منصوبوں پر سو فیصد مالی پیشرفت یقینی بنایا جائے، ان منصوبوں پر فزیکل پراگریس بھی مقررہ ہدف کے مطابق یقینی بنایا جائے، صوبائی حکومت صوبے میں پن بجلی کے استعداد سے بھر پور استفادہ کرنے کے لئے متعدد چھوٹے بڑے منصوبوں پر کام کر رہی ہے، ان منصوبوں کی مقررہ مدت میں تکمیل صوبائی حکومت کی اہم ترجیح ہے۔ صوبائی حکومت اس مقصد کے لئے درکار مالی وسائل ترجیحی بنیادوں پر فراہم کرے گی، زیر تعمیر بالاکوٹ ہائیڈرو پاور پراجیکٹ کی بجلی مقامی صنعتوں کو فراہم کرنے کے لئے اقدامات کئے جائیں، سولرائزیشن موجودہ صوبائی حکومت کا فلیگ شپ منصوبہ ہے، اس پر پیشرفت کی راہ میں حائل رکاوٹوں کو جلد دور کیا جائے، منصوبے پر عملدرآمد کے عمل میں مروجہ قوانین اور قواعد و ضوابط پر سختی سے عملدرآمد یقینی بنایا جائے، منصوبے پر پیشرفت میں غیر ضروری تاخیر سے گریز کیا جائے، منصوبے پر عملدرآمد میں شفافیت اور میرٹ کا ہر لحاظ سے خیال رکھا جائے۔
وزیر اعلٰی خیبر پختونخوا علی امین گنڈاپور کی زیر صدارت محکمہ انرجی اینڈ پاور کا اجلاس
