پشاور(بلدیات ٹائمز) پرسنل لیجر اکاونٹ کی توسیعی میعاد 30 جون 2025 کو اختتام پذیر ھو گئی ھے۔ PLA میں وقتاً فوقتاً توسیع کی جاتی رھی مگر TMAs کے لئے مستقل اکاؤنٹنگ سسٹم کے لئے کوئی پیش رفت سامنے نہیں آئی ۔جس سے بلدیاتی اداروں کے ملازمین اور پنشنرز بری طرح متاثر ھو رہے ھیں کیونکہ وقتاً فوقتاً توسیع کے لئے اکاونٹنٹ جنرل افس اور فنانس ڈیپارٹمنٹ کی منتیں کی جاتی ہیں اور اے جی افس والے اپنی من مانی کر کے بلدیاتی اداروں اور بلدیاتی ملازمین کو پرسنل لیجر اکاونٹ کی توسیع سے سخت ذھنی کوفت اور پریشانی سے دوچار کرتے ہیں۔ال پاکستان لوکل گورنمنٹ ایمپلائز فیڈریشن کے مرکزی چیئرمین اور لوکل گورنمنٹ ایمپلائز فیڈریشن خیبرپختونخوا کے سرپرست اعلیٰ شوکت کیانی، لوکل گورنمنٹ ایمپلائز فیڈریشن خیبرپختونخوا کے چئرمین محبوب اللہ، صدر حاجی انور کمال خان مروت اور جنرل سیکریٹری سلیمان خان ھوتی نے صوبائی حکومت، وزیر اعلیٰ خیبرپختونخوا ، چیف سیکرٹری خیبرپختونخوا ، وزیر بلدیات و دیہی ترقی خیبرپختونخوا، سیکریٹری بلدیات و دیہی ترقی خیبرپختونخوا ، سیکریٹری مالیات خیبرپختونخوا ، اکاونٹنٹ جنرل آف پاکستان ، اکاونٹنٹ جنرل خیبرپختونخوا اور سیکریٹری لوکل کونسل بورڈ خیبرپختونخوا سے پرزور مطالبہ کیا ھے کہ بلاتاخیر TMAs کے لئے نیا اکاونٹنگ سسٹم منظور کیا جائے اور بلدیاتی اداروں کے ملازمین اور پنشنرز کی تنخواہوں اور پنشن کی بروقت ادائیگی بذریعہ اکاونٹ فور یقینی بنائی جائے کیونکہ پہلے ہی بلدیاتی ملازمین اور پنشنرز گذشتہ پانچ چھ سالوں سے ہرسنل لیجر اکاؤنٹ کی وقتاً فوقتاً کے توسیعی مراحل کی مشکلات اور سختیوں سے گذرتے آ رہے ہیں۔
