پنجاب میں اسٹبل برننگ میں 70 فیصد ڈرامائی کمی — 67 کوئیک ریسپانس یونٹس سرگرم ہیں ۔سیکریٹری ماحولیات سلوت سعید نے بتایا ہے کہ وزیراعلیٰ پنجاب مریم نواز شریف کی ہدایت پر سینئر وزیر مریم اورنگزیب کی قیادت میں فیلڈ آپریشن حکمتِ عملی نے فصلوں کی آگ بجھانے کے نظام کو پہلے سے کہیں زیادہ موثر بنا دیا ہے— سیکریٹری ماحولیات سلوت سعید نے مزید کہا کہ موٹرویز اور زرعی اضلاع میں قائم کوئیک ریسپانس یونٹس نے سینکڑوں ایکڑ پر لگی آگ کو چند منٹوں میں کنٹرول کرلیا — فوری رسپانس نے دھوئیں کے اخراج میں نمایاں کمی پیدا کی۔
4×4 طاقتور ٹریکٹرز، 6 ہزار لیٹر کے واٹر باؤزر اور 120 میٹر تک پھینکنے والی ہائی پریشر واٹر گنز نے مشکل ترین علاقوں میں بھی آگ کو پھیلنے سے پہلے روک لیا۔
9 سرویلنس اسکواڈز کی 8 بیٹس پر مسلسل 24 گھنٹے مانیٹرنگ — آگ کا سگنل ملتے ہی ٹیمیں چند منٹ میں موقع پر پہنچ کر کارروائی کرتی رہیں — فصلوں کے جلنے کا پرانا مسئلہ پہلی بار بڑے پیمانے پر کنٹرول ہوا۔شیخوپورہ میں سب سے زیادہ 22 کوئیک ریسپانس یونٹس کی تعیناتی — گوجرانوالہ اور سرگودھا میں 8–8، فیصل آباد میں 6، قصور و حافظ آباد میں 7–7، سیالکوٹ میں 5 اور ننکانہ صاحب میں 4 مراکز کے ذریعے تمام ہاٹ اسپاٹس مکمل طور پر کور ہیں۔مربوط فیلڈ آپریشنز، فوری آگ بجھانے کے جدید آلات اور مسلسل پیٹرولنگ کے باعث اسموگ پیدا کرنے والے دھوئیں میں بڑی حد تک کمی — ایئرکوالٹی میں بہتری کے ابتدائی نتائج سامنے آنا شروع ہو گئے ہیں۔پنجاب حکومت کا اسموگ کنٹرول کیلئے سب سے بڑا آپریشن کامیاب — فصلوں کی باقیات جلانے کے واقعات میں تاریخ کی سب سے بڑی کمی ریکارڈ — کوئیک ریسپانس یونٹس نئی اسموگ پالیسی کا مرکزی ستون بن گئے۔فصلوں کی آگ پھیلنے سے قبل بجھانے کی حکمتِ عملی کامیاب — موٹرویز، لنک روڈز، دیہی علاقوں اور دور دراز کھیتوں میں بھی کوئیک ریسپانس یونٹس کی ریکارڈ سطح کی رسائی، ماحولیات محکمے کی کارکردگی کو زمینداروں اور انتظامیہ نے سراہا۔اسموگ کے موسم میں صوبہ بھر میں بروقت ہنگامی کارروائیوں نے فضائی آلودگی کے بڑے سرکل کو توڑ دیا — پنجاب حکومت کا اسموگ کنٹرول میں عملی بریک تھرو ہے۔
