ننکانہ صاحب، جھنگ، جہلم، شیخوپورہ، مظفر گڑھ، رحیم یار خان، اوکاڑہ، خوشاب اور خانیوال میں ہارٹیکلچر ایجنسیاں قائم،نوٹیفکیشنز

وزیر اعلیٰ پنجاب مریم نواز شریف کی خصوصی ہدایات، پنجاب بنے گا”باغوں کا صوبہ” ویژن کے تحت

*پنجاب ہارٹی کلچر اتھارٹی ایکٹ 2025 کے تحت 9 اضلاع میں ہارٹیکلچر ایجنسیاں قائم کر دی گئی ہیں*سیکرٹری ہاؤسنگ نورالامین مینگل کی جانب سے جاری نوٹیفکیشنز کے مطابق ننکانہ صاحب، جھنگ، جہلم، شیخوپورہ، مظفر گڑھ میں نئے پی ایچ ایز قائم کی گئی ہیں۔اس کے علاوہ رحیم یار خان، اوکاڑہ، خوشاب اور خانیوال میں بھی ایجنسیاں قائم کر دی گئی ہیں۔گجرات کی ہارٹیکلچر ایجنسی کو فعال کیا جائے گا۔منتخب اضلاع میں ڈسٹرکٹ ٹرانزیشن ٹیمیں قائم کی جائیں گی،ترجمان محکمہ ہاؤسنگ کے مطابق وزیر اعلی پنجاب نے متعلقہ عملہ اور وسائل پی ایچ اے کو منتقل کرنے کی منظوری دے دی ہے۔نئی تشکیل کردہ ہارٹیکلچر ایجنسیوں کے لیے افسران کےانتخاب تک متعلقہ ڈی سی چارج سنبھالیں گے۔ ایم ڈی، ڈپٹی ایم ڈی، اور دیگر افسران بھی تعینات کیے جائیں گے۔پی ایچ اے کا دائرہ کار صوبائی سطح پر بڑھانے سے شہروں میں سبزہ اور ہریالی بڑھے گی۔نئے باغات کے قیام کے لیے جگہ مختص،موجودہ باغات کی حالت بہتر کی جائے گی۔صوبوں میں گرین ایریاز بڑھانے سے ماحولیاتی آلودگی اور موسمیاتی تبدیلیوں کے اثرات کم کرنے میں مدد ملے گی۔