*پنجاب ریونیو اتھارٹی،ماہ اپریل میں51 فیصد گروتھ ریٹ ریکارڈ ،36 ارب سے زائد ٹیکس ریونیو اکٹھا کر لیا۔*

چیئرمین پنجاب ریونیو اتھارٹی معظم اقبال سپرا کی زیر صدارت ماہانہ ریونیو اہداف کے حصول بارے اجلاس ہوا۔ فیلڈ فارمیشنز کی کارکردگی کا تفصیلی جائزہ، اہداف میں پیچھے رہ جانیوالے شعبوں کی نشاندہی کی گئی۔ پی آر اے کا ماہ اپریل میں 51 فیصد گروتھ ریٹ ریکارڈ جبکہ 36 ارب سے زائد ٹیکس ریونیو اکٹھا کر لیا۔ یاد رہے کہ گزشتہ سال اپریل میں 23 اعشاریہ 7 ارب روپے کے محصولات اکٹھے کیے گئے تھے۔گزشتہ مالی سال کے ابتدائی 10 ماہ میں 204 ارب جبکہ رواں مالی میں 285 ارب سے زائد رقم جمع کر لی گئی ہے۔چیئرمین پی آر اے کا کہنا تھا کہ گزشتہ مالی سال کے مقابلے میں رواں مالی سال اب تک 81 ارب کا زائد ریونیو ٹیکس اکٹھا کیا جاچکا ہے۔ حکومتی محصولات میں اضافہ صوبے کی ترقی اور عوامی سہولیات کیلئے ناگزیر ہے۔ ٹیکس نیٹ کو وسعت اور نئے ٹیکس دہندگان کی رجسٹریشن کیلئے تمام انفورسمنٹ افسران فیلڈ آپریشن یقینی بنائیں۔چیئرمین معظم اقبال سپرا نے سیلز ٹیکس آن سروسز کی وصولیوں میں مزید بہتری کیلئے مؤثر مانیٹرنگ کی ہدایت جاری کی۔ علاوہ ازیں مختلف سیکٹرز کی ماہانہ کارکردگی رپورٹس کا جائزہ لیا گیا اور آئندہ ماہ کیلئے اہداف مقرر کیے گئے۔