کمشنر لاہور زید بن مقصود کا سیلاب پیشگی انتظامات کا جائزہ لینے کے لیے حاجی کوٹ شاہدرہ بند کا دورہ

کمشنر لاہور زید بن مقصود نے سیلاب پیشگی انتظامات کا جائزہ لینے کے لیے حاجی کوٹ شاہدرہ بند کا دورہ کیا۔ کمشنر لاہور کو چیف انجینئر آبپاشی نے دریائے راوی میں پانی اور سیلابی ہنگامی پیشگی انتظامات پر بریفنگ دی۔ کمشنر لاہور کو دریائے راوی شاہدرہ بند کی مضبوطی کے حوالے سے بریفنگ دی گئی۔ اس موقع پر کمشنر لاہور زید بن مقصود نے کہا کہ کل لاہور میں ریکارڈ بارش 315 ایم ایم ہوئی ہے۔ ماحولیات تبدیلی کے تحت امکانی و پیشگی انتظامات ناگزیر ہیں۔ کمشنر لاہور نے کہا کہ پیشگی انتظامات ورکنگ کیلئے محکمہ آبپاشی، روڈا، ضلعی انتظامیہ لاہور، ریسکیو ایک پیج پر ہیں۔ انہوں نے کہا کہ محکمہ آبپاشی ہمسایہ ملک میں بارشوں اور مون سون پیٹرن پر مکمل کام کر رہا ہے۔ کمشنر لاہور نے کہا کہ ضلعی انتظامیہ لاہور و شیخوپورہ تمام تر پیشگی انتظامات پر ورکنگ کررہے ہیں۔ تمام آبی صورتحال مکمل طور پر نارمل ہے۔ پیشگی انتظامات کی ورکنگ کا جائزہ لیا ہے۔ کمشنر لاہور کے دورہ میں ڈی سی لاہور رافعہ حیدر، چیف انجینئر اریگیشن کاشف منہاس، ڈی سی شیخوپورہ ڈاکٹر وقار خان، اے ڈی سی آر عثمان جلیس، اے سی سٹی لاہور رائے بابر و ریسکیو ضلعی افسران لاہور وشیخوپورہ و دیگر افسران بھی ہمراہ تھے۔