ایل ڈبلیو ایم سی کی آپریشن ٹیمیں شہر بھر میں متحرک ہیں۔اینٹی سموگ ایکٹیویٹیز کے تحت مختلف عوامی مقامات اور اہم شاہراؤں پر مرحلہ وار سکریپنگ ایکٹیویٹی اورواشنگ کا عمل جاری ہے۔فضائی آلودگی میں کمی کے لیے ایل ڈبلیو ایم سی کی جانب سےسمن آباد ٹاؤن فیروز پور روڈ پر خصوصی صفائی آپریشن پر عملہ تعینات رہا۔ایل ڈبلیو ایم سی آپریشن ٹیموں نےمسلم ٹاؤن موڑ،اچھرہ بازار، شمع میٹرو اسٹیشن کے اطراف صبح سویرے واشنگ ایکٹیویٹی مکمل کی۔ایل ڈبلیو ایم سی کے ورکرز اور واشرز گاڑیوں نے روڈ سائیڈ پر جمی ہوئی مٹی صاف کرنے اور فٹ پاتھ کلیئر کرنے کیلئے مینوئل اور مکینیکل واشنگ میں حصہ لیا۔ مذید برآں سموگ سے بچاؤ کیلئے اہم شاہراہوں اور عوامی مقامات پر وقفے وقفے سے پانی کے چھڑکاؤ کا سلسلہ بھی جاری ہے۔شہریوں کو صاف ستھرا اور صحت بخش ماحول فراہم کرنا ادارے کی اولین ترجیح ہے،اس مقصد کے حصول کے لیے تمام تر وسائل بروئے کار لائے جا رہے ہیں۔
