کمشنر لاہور زید بن مقصود نے 7 محرم الحرام کے حوالے سے لاہور میں محرم الحرام جلوس مانیٹرنگ کیلئے قائم مرکزی کنٹرول سنٹرز کا دورہ کیا۔ کمشنر لاہور نے محکمہ داخلہ پنجاب کے محرم کنٹرول و مانیٹرنگ سنٹر کا دورہ کرکے آپریشن کا جائزہ لیا۔ کمشنر لاہور کو بریفنگ میں بتایا گیا کہ
محکمہ داخلہ کنٹرول سنٹر میں تمام اضلاع سے ان لائن مانیٹرنگ فیڈ لی جارہی ہے۔ ابھی تک کوئی شکایت سامنے نہیں آئی۔ بریفنگ میں بتایا گیا کہ محکمہ داخلہ پنجاب کنٹرول روم میں تمام محکموں کے فوکل پرسنز 24گھنٹے مصروف عمل ہیں۔ کمشنر لاہور زید بن مقصود نے ڈی سی آفس لاہور میں قائم کنٹرول و مانیٹرنگ سنٹر کا دورہ کیا۔ ڈی سی لاہور رافعہ حیدر نے تمام جلوسوں کی سی سی ٹی وی لائیو مانیٹرنگ کے بارے میں بریفنگ دی۔ کمشنر لاہور کومرکزی کنٹرول سنٹر سے مانیٹرنگ، فیڈ بیک اور روعمل پراسیس پر بریفنگ دی گئی۔ کمشنر لاہور نے کہا کہ مرکزی کنٹرول روم میں سیف سٹی کیمروں کے ساتھ اضافی کیمروں کی مدد سے مانیٹرنگ کو موثر بنایا گیا ہے۔ انہوں نے کہا کہ لاہور کے مرکزی کنٹرول و مانیٹرنگ سنٹر میں بھی تمام محکمے عاشورہ کے اختتام تک مسلسل کام کرینگے۔ کمشنر لاہور نے کہا کہ کنٹرول روم سے روٹس پر نکاسی آب آپریشن کے لیے بھی مانیٹرنگ میکانزم موجود ہے۔کمشنر لاہور نے کہا کہ وزیر اعلی پنجاب مریم نوازشریف کی محرم انتظامات کے حوالے سے ہدایات کو یقینی بنایا گیا ہے۔ سکیورٹی، میونسپل و مانیٹرنگ انتظامات کو ہدایات اور ایس اوپیز کے مطابق یقینی بنایا ہے۔ کمشنر لاہور نے کہا کہ ڈویژنل و ضلعی انتظامیہ منتظمین کے ساتھ براہ راست رابطہ میں ہے۔
