وزارت امور کشمیر ،حکومتِ پاکستان نے جوائنٹ عوامی ایکشن کمیٹی کیساتھ طےپانے والے معاہدہ کے تحت آزادکشمیر اسمبلی کی 12 مہاجرین نشستوں کے مستقبل کا تعین کرنے کے لیے نو رکنی اعلیٰ سطحی کمیٹی قائم کر دی ہے۔ کمیٹی میں وفاقی حکومت کی نمائندگی وفاقی وزارتِ قانون و انصاف کے ایڈیشنل سیکرٹری خورشید الرحمان ، وزارت قانون کے مشیر حسن محمود اور کنسلٹنٹ تیمور زرین خان کریں گے۔جبکہ حکومتِ آزاد جموں و کشمیر کی نمائندگی وزیر قانون میاں عبدالوحید، مسلم لیگ (ن) کے سینئر رہنما ، سابق وزیر سردار طاہر انور ایڈووکیٹ اور پیپلز پارٹی کے سنیئر رہنما ، سنیئر قانوندان راجہ اعجاز احمد ایڈووکیٹ شامل ہیں جبکہ ایکشن کمیٹی کی جانب سے راجہ امجد علی خان ایڈووکیٹ، سردار ارباب ایڈووکیٹ اور سعد انصاری ایڈووکیٹ کو شامل کیا گیا ہے۔
