عیدالاضحٰی کی مناسبت سے پی ڈی ایم اے نے مویشی منڈیوں میں ہیٹ ویو سے بچاؤ کیلئے ہدایات جاری کر دیں ہیں۔ پی ڈی ایم اے کی جانب سے منڈیوں میں عارضی شیڈز کے قیام کو بھی یقینی بنانے کی ہدایات جاری کی گئیں۔ پی ڈی ایم اے پنجاب کی جانب سے کہا گیا کہ منڈیوں میں جانوروں کیلئے پانی کی فراہمی کو یقینی بنایا جائے۔ منڈیوں کے مقامات پر ہیلتھ سنٹرز کے قیام کو یقینی بنایا جائے۔ مویشیوں کیلئے ویٹرنری ہیلتھ سنٹرز بھی قائم کیے جائیں۔ جون کے مہینے میں بھی ہیٹ ویو اور گرمی کی لہر برقرار رہنے کے امکانات ہیں۔ احتیاطی تدابیر اختیار کر کے گرمی اور ہیٹ ویو سے بچاؤ یقینی بنایا جا سکتا ہے۔ منڈیوں میں مویشی بیچنے اور خریدنے والے احتیاطی تدابیر اختیار کریں۔
