پشاور( بلدیات ٹائمز) لوکل کونسل بورڈ خیبرپختونخوا کےایڈیشنل سیکرٹری اسٹیبلشمنٹ نے بااختیارات چیئرمین سروس سٹرکچر ری نیمنگ کمیٹی مردان ڈویژن کا اجلاس 8 جنوری 2026 کی بجائے دوبارہ ری شیڈول کر کے 15 جنوری 2026 کو اپنے دفتر واقع لوکل کونسل بورڈ پشاور میں طلب کر لیا ہے ۔تفصیلات کے مطابق بلدیاتی اداروں کے نان پی یو جی ایف ملازمین کی ترقی و تعیناتی عمل میں لانے کے لئے سروس سٹرکچر کی ری نیمنگ کمیٹی مردان ڈویژن کا اجلاس 15 جنوری 2026 بوقت گیارہ بجے طلب کر کے مردان ریجن کی تمام تحصیل میونسپل ایڈمنسٹریشنز کے TMOs اور TOFs کو ہمراہ ریکارڈ متعلقہ طلب کر لیا ہے ۔قبل ازیں پشاور ریجن ، ہزارہ اور ملاکنڈ ریجن کے اجلاسوں کا انعقاد عمل میں لایا جا چکا یے مگر تاحال ان اجلاسوں کی کاروائی کا اجراء نہ کر کے ملازمین میں بے چینی پائی جاتی ہے۔ لوکل گورنمنٹ ایمپلائز فیڈریشن رجسٹرڈ خیبرپختونخوا کے سرپرست اعلیٰ شوکت کیانی، چئیر مین محبوب اللہ، صدر حاجی انور کمال مروت اور جنرل سیکریٹری سلیمان خان ہوتی اور پاکستان ورکرز فیڈریشن کے مرکزی صدر شوکت علی انجم نے سروس سٹرکچر کی ری نیمنگ کمیٹی کے اجلاسوں کو بلدیاتی ادادوں کے ملازمین کی ترقی و تعیناتی کے لئے خوش آئند قرار دیتے ہوئے مطالبہ کیا کہ
ری نیمنگ کمیٹی کے اجلاسوں کی کارروائی کا جلد اجراء کر کے سروس سٹرکچر کے ثمرات نچلی سطح کے ملازمین تک بہم پہنچائے جائیں تا کہ بلدیاتی ملازمین میں پائی جانے والی بے چینی کا خاتمہ ہو سکے۔
