پنجاب ریونیو اتھارٹی کی انفورسمنٹ ٹیموں نے سیلز ریکارڈ میں خرد برد پر لاہور اور راولپنڈی میں کارروائیاں کیں۔ لاہور کے پوش علاقوں میں 5 معروف کافی شاپس کا ریکارڈ چیک کیا گیا۔ ریکارڈ میں بے ضابطگیوں پر 70 لاکھ کے جرمانے عائد کیے گئے۔ علاؤہ ازیں راولپنڈی میں کارروائی کے دوران سیلز ٹیکس کی عدم ادائیگی پر بلڈرز کے دفتر کو سربمہر کیا گیا۔ ترجمان پی آر اے کا کہنا تھا کہ صارفین سے حاصل شدہ ٹیکسز سرکاری خزانے میں جمع نہ کروانے پر 25 پوائنٹس کو نوٹسز جاری کیے گئے۔ سابقہ ہدایات پر عمل نہ کرنے اور پی او ایس ریکارڈ میں خرد برد ثابت ہونے پر کارروائیاں کی گئیں۔سروسز کی فراہمی ہر عائد کردہ ٹیکسز کی عدم ادائیگی قانوناً جرم ہے۔ صارفین سے گزارش ہے کہ ادائیگی کی بعد ای بل ضرور حاصل کریں۔ ای بل کی تصدیق پی آر اے کی سہولت ایپلی کیشن پر بآسانی کی جاسکتی ہے۔
*پنجاب ریونیو اتھارٹی کی سیلز ریکارڈ میں خرد برد پر لاہور اور راولپنڈی میں کارروائیاں!!*
