سوئی ناردرن گیس پائپ لائنز لمیٹڈ (SNGPL) نے گیس چوری کے خلاف جاری کریک ڈاؤن کے دوران پنجاب، خیبر پختونخواہ اور اسلام آباد کے مختلف علاقوں میں مزید 61 غیر قانونی گیس کنکشن منقطع کر دیے اور 12 لاکھ روپے کے جرمانے عائد کیے۔
لاہور میں، سوئی ناردرن ٹیم نے گیس کے غیر قانونی استعمال پر 1 گیس کنکشن اور کمپریسر کے استعمال پر 2 گیس کنکشن منقطع کیے۔ اسلام آباد میں غیر قانونی گیس استعمال پر 3 کنکشن منقطع کیے گئے۔ پشاور میں ریجنل ٹیم نے 26 غیر قانونی کنکشن منقطع کیے اور 6 لاکھ 40 ہزار روپے کے جرمانے عائد کیے۔ مردان میں 18 غیر قانونی کنکشن منقطع کیے گئے اور 6 لاکھ 35 ہزار روپے سے زائد کے جرمانے عائد کیے گئے۔
علاوہ ازیں، گوجرانوالہ میں 3، ساہیوال میں 3، سرگودھا میں 3 اور بہاولپور میں کمپریسر کے استعمال پر 4 گیس کنکشن منقطع کیے گئے۔
