کمشنرلاہورڈویژن مریم خان نے کہا کہ بسنت 2026 کو محفوظ کامیاب ایونٹ بنانے کے لئے اقدامات جاری ہیں۔ کمشنر لاہور نے کہا کہ چھتوں کی ڈرون کیمروں کے ساتھ انسپیکشن جاری ہے، ہر میزبان چھت کے پاس این او سی ہونا لازمی ہے، انتظامیہ کے ایس او پیز کے مطابق پتنگ بازی کیلئے چھتوں کی رجسٹریشن ہورہی ہے، ایس او پیز کےمطابق مخصوص تعداد سے اوپر چھت پر پتنگ بازی اکٹھ کیلئے این او سی لازمی ہے، کوئیک ریسپانس ٹیمیں ہر میزبان جگہ اور روف ٹاپ کا این او سی چیک کریں گی خلاف ورزی پر زیرو ٹالرنس کی پالیسی ہے۔کمشنرلاہور نے کہا کہ ریڈ زون سمیت شہر کے تمام علاقوں میں سیل پوائنٹس کی رجسٹریشن کرکے تعداد مزید بڑھائی جارہی ہے، 2ہزار 2سو 76 سے زائد سیلرز کو این او سی جاری کیے جاچکے ہیں۔کمشنر لاہور نے مزید کہا کہ تعلیمی اداروں میں بسنت ضابطہ اخلاق و قوانین کے بارے میں آگاہی مہم جاری ہے، شہری خیال رکھیں کہ انکی حفاظت و خوشیوں کہ حفاظت انتظامی ذمہ داری ہے، باشعور شہری، ذمہ دار شہری و انتظامی کاوشیں خوبصورت تہوار کا احیاء ثابت ہونگی۔
لاہور بسنت،چھتوں کی ڈرون کیمروں کے ساتھ انسپیکشن جاری، ہر میزبان چھت کے پاس این او سی ہونا لازمی قرار
