جشن بسنت کی تیاریاں اور پتنگ بازی کے سامان کی قیمتوں کا جائزہ۔۔صوبائی وزیر بلال یاسین نے موچی گیٹ لاہور کی مارکیٹ کا دورہ کیا اور قیمتوں بارے استفسار کیا۔ میڈیا سے گفتگو کرتے ہوئے صوبائی وزیر کا کہنا تھا کہ وزیراعلیٰ پنجاب مریم نواز نے پتنگ بازی کے سامان کی قیمتوں میں غیر معمولی اضافے کا نوٹس لیا ہے۔عوامی تفریح کے سامان کو بے لگام نہیں چھوڑا جاسکتا۔ کل سے صوبائی دارالحکومت میں پتنگ بازی کے سامان کی سپلائی میں نمایاں اضافہ کیا جائے گا۔ پنجاب کے 4 اضلاع سے پتنگ بازی کا زیادہ سے زیادہ سامان فراہم کرنے کی کوشش کر رہے ہیں، بلال یاسین کا مزید کہنا تھا کہ وافر مقدار میں سامان کی دستیابی سے قیمتوں میں واضح کمی آئے گی،بسنت کو "سیف بسنت” بنانے کیلئے ہر ممکن اقدامات اٹھائے جا رہے ہیں۔ وزیراعلیٰ پنجاب نے لوگوں کی خوشیاں واپس لانے کیلئے محفوظ بسنت کا تحفہ دیا۔ صوبائی وزیر بلال یاسین نے لاہوریوں سے اپیل کی ہے کہ لاہور میں 6,7,8 فروری کو محفوظ بسنت کیلئے عوام ذمہ دارانہ کردار ادا کریں تاکہ اس کا سلسلہ جاری رکھا جاسکے۔ لاہوریوں کی کثیر تعداد کو موچی گیٹ دیکھ کر بچپن کے دن یاد آگئے ہیں۔لاہور کی ثقافت کے کھوئے رنگ ،بسنت کی صورت میں دوبالا ہوں گے۔
کل سے صوبائی دارالحکومت میں پتنگ بازی کے سامان کی سپلائی میں نمایاں اضافہ کیا جائے گا،وزیر ہاؤسنگ بلال یاسین
