*پنجاب ریونیو اتھارٹی، ٹیکس ادائیگی میں مسلسل بے ضابطگیاں کرنیوالوں کا ریکارڈ مرتب کرنے لگی۔۔*

چیئرمین پنجاب ریونیو اتھارٹی معظم اقبال سپرا کی زیر صدارت ٹیکس ریکوری بارے اجلاس ہوا۔ تمام کمشنرز اور انفورسمنٹ افسران کو رجسٹریشن اور ٹیکس کولیکشن اہداف آئندہ 2 روز میں مکمل کرنے کی ہدایات جاری کردیں۔ٹیکس ادائیگی میں مسلسل بے ضابطگیاں کرنیوالوں اور عرصہ دراز سے سروسز ٹیکس ادا نہ کرنیوالوں کا ریکارڈ مرتب کرنے کی بھی ہدایات جاری کی گئیں۔ چیئرمین پی آر اے کا کہنا تھا کہ نئے انفورسمنٹ افسران کی مختلف اضلاع میں تعیناتی اور نئے یونٹس سونپے جائیں گے۔ قوانین میں ترامیم اور اصلاحاتی پروگرام سے ٹیکس وصولی میں اضافہ ریکارڈ ہوا۔ علاوہ ازیں ای آئی ایم ایس کے نفاذ کو یقینی بنانے کیلئے انفورسمنٹ ٹیموں کو متحرک کرنے کی بھی ہدایات جاری کی گئیں۔ چیئرمین معظم اقبال سپرا نے مقررہ اہداف کی بروقت تکمیل پر کمشنر گوجرانولہ کی کارکردگی کو سراہا۔ ڈویژنل کمشنرز اور انفورسمنٹ افسران نے بذریعہ ویڈیو لنک اجلاس میں شرکت کی۔