مشہور پاکستانی بائکر اور اسٹنٹ ماسٹر سلطان گولڈن نے صوبائی وزیر بلال یاسین سے ملاقات کی۔ صوبائی وزیر بلال یاسین نے خطرناک اسٹنٹس اور عالمی ریکارڈز کے حامل سلطان گولڈن سے یادداشتوں کا تبادلہ کیا۔ وزیر ہاؤسنگ بلال یاسین نے سلطان گولڈن کی گاڑی کا بھی معائنہ کیا۔ بائک اور گاڑیوں کے اسٹنٹس کے حوالے سے ملکی سطح پر سلطان گولڈن کا نام پہلے آتا ہے۔ رواں سال ہارس اینڈ کیٹل شو میں ورلڈ ریکارڈ ہولڈر اسٹنٹ کا مظاہرہ پیش کریں گے۔ گزشتہ سال سلطان گولڈن نے ایک میل ریورس ڈرائیو کرنے کا ورلڈ ریکارڈ بنایا تھا۔ سلطان گولڈن پاکستان کا عالمی سطح پر مثبت چہرہ ہیں، انہوں نے کئی ریکارڈز بنائے ہیں۔
