پشاور (بلدیات ٹائمز) بلدیاتی اداروں میں غنڈہ گردی برداشت نہیں کی جائے گی۔ غنڈہ گرد عناصر کو لگام دینا مقامی پولیس اور مقامی انتظامیہ کا کام ھے۔ تفصیلات کے مطابق امروز تحصیل میونسپل ایڈمنسٹریشن مردان میں چند مسلح غنڈہ گرد عناصر عملہ پر حملہ اور ہوئے ہیں جس سے بلدیاتی ملازمین میں سخت خوف و ہراس پایا جاتا ہے۔ لوکل گورنمنٹ ایمپلائز فیڈریشن خیبرپختونخوا کے سرپرست اعلیٰ شوکت کیانی، چیئرمین محبوب اللہ ، صدر حاجی انور کمال خان مروت اور پاکستان ورکرز فیڈریشن کے مرکزی صدر شوکت علی انجم نے تحصیل میونسپل ایڈمنسٹریشن مردان میں دوران ڈیوٹی غنڈہ گرد عناصر کی طرف سے حملہ کی سخت الفاظ میں مذمت کرتے ھوئے کہا ہے کہ دن دیہاڑے غنڈہ گردی کو روکنا مقامی انتظامیہ اور مقامی ہولیس کا کام ہے اور دن دیہاڑے گنڈہ گردی مقامی ہولیس کی ناکامی کی علامت ہے ۔ بلدیاتی ملازمین اور بلدیاتی اداروں کو تحفظ فراہم کرنا مقامی حکومت اور مقامی انتظامیہ بشمول مقامی ہولیس کی ذمہ داری ھے۔ لوکل گورنمنٹ ایمپلائز فیڈریشن خیبرپختونخوا کے عہدیداران نے وزیر اعلیٰ خیبرپختونخوا ،وزیر بلدیات خیبرپختونخوا , سیکریٹری لوکل گورنمنٹ و دیہی ترقی خیبرپختونخوا ، ریجنل ہولیس افیسر مردان اور ڈی پی او مردان سے فوری نوٹس لینے اور بلدیاتی ملازمین کو تحفظ فراہم کرنے کا مطالبہ کیا ہے کیونکہ عوام اور سرکاری ملازمین کے جان و مال کا تحفظ کرنا صوبائی حکومت اور مقامی اداروں کی ذمہ داری ھے۔
