*تمام اضلاع کی ہر تحصیل میں رمضان بازار اور دسترخوان لگائے جارہے ہیں۔کمشنر لاہور مریم خان*

کمشنرلاہورڈویژن مریم خان کی زیر صدارت رمضان المبارک کی آمد سے قبل رمضان بازار، دسترخوان، میونسپل و سیکیورٹی انتظامات جائزہ کی حوالے سے امن کمیٹی کا اجلاس منعقد ہوا۔ اجلاس میں علماء و مشائخ عظام، ضلعی انتظامی محکموں نے شرکت کی۔ اجلاس کے آغاز میں سانحہ اسلام آباد کے شہداء کیلئے دعائے فاتحہ کی گئی۔کمشنرلاہور نے کہا کہ رمضان المبارک تمام عالم اسلام کا مقدس ترین ماہ عبادت ہے، علماء اکرام و مشائخ عظام انتظامیہ کے دست و بازو ہیں مستحکم رابطہ کار ہوگا۔ تمام اضلاع کی ہر تحصیل میں رمضان بازار اور دسترخوان لگائے جارہے ہیں۔ انہوں نے کہا کہ وزیراعلی پنجاب کی ہدایات پر رمضان المبارک کیلئے میونسپل و سکیورٹی انتظامات کو یقینی بنایا جارہا ہے، وزیراعلی پنجاب نے مساجد، امام بارگاہوں و اردگرد ایریاز میں خصوصی صفائی کیلئے ہدایات جاری کی ہیں۔اس موقع پر ڈی آئی جی آپریشنز لاہور فیصل کامران نے کہا کہ مساجد و امام بارگاہوں میں خصوصی اوقات میں سکیورٹی ڈیوٹی ہوگی، بڑی مساجد و امام بارگاہوں کی سکیورٹی نگرانی کیلئے سیف سٹی سے رابطہ کر لیا گیا ہے۔ ڈی آئی جی آپریشنز لاہور نے کہا کہ 21رمضان یوم شہادت علی پر سکیورٹی انتظامات کو حتمی شکل دے دی گئی ہے۔علماء اکرام و مشائخ عظام نے حکومتی ہدایات پر انتظامیہ کی کاوشوں کو سراہا۔ انہوں نے کہا کہ امن و اتحاد کیلئے انتظامیہ کے ساتھ کھڑے ہیں کسی کو فتنہ و انتشار کی اجازت نہیں۔اجلاس میں ڈی آئی جی آپریشنز ڈاکٹر فیصل کامران، ڈی سی لاہور کیپٹن ر علی اعجاز، ایس ایس پی آپریشنز توقیر احمد نے شرکت کی جبکہ تمام اضلاع کے ڈی سیز اور ڈی پی اوز اور علماء نے بزریعہ ویڈیو لنک اجلاس میں شرکت کی۔