وزیر برائے بلدیات و اعلیٰ تعلیم مینا خان آفریدی کی زیر صدارت اجلاس میں پشاور کی جی ٹی روڈ پر واقع عمارات اور کمرشل پلازوں کی ظاہری شکل و صورت بہتر بنانے کا فیصلہ کیا گیا۔پشاور ڈویلپمنٹ اتھارٹی کی بریفنگ کے مطابق منصوبے کے پہلے مرحلے کا آغاز فیز تھری چوک سے کیا جائے گا، جبکہ تاجر برادری اور دیگر اسٹیک ہولڈرز کو بھی اعتماد میں لیا جائے گا۔صوبائی وزیر نے کہا کہ منصوبے سے شہر کا حسن اجاگر ہوگا، سیاحت کو فروغ ملے گا اور شہریوں کو بہتر اور خوشگوار ماحول میسر آئے گا۔متعلقہ حکام کو ہدایت کی گئی ہے کہ منظور شدہ کلر اسکیم اور ڈیزائن کے مطابق کام جلد شروع کیا جائے۔
