میئر کراچی بیرسٹر مرتضیٰ وہاب نے شہید عبداللہ مراد کی 22 ویں برسی کے موقع پر اپنے پیغام میں کہا ہے کہ شہید عبداللہ مراد سندھ کی سیاست کے اُن باوقار اور عوامی خدمت کے جذبے سے سرشار رہنماؤں میں شامل تھے جنہوں نے اپنی پوری زندگی عوام کی بہتری، جمہوری اقدار کے فروغ اور صوبے کی ترقی کے لیے وقف کر رکھی تھی، انہوں نے کہا کہ شہید عبداللہ مراد نے ہمیشہ عوام کے مسائل کو سنجیدگی سے لیا اور اپنی سیاسی جدوجہد کو لوگوں کی فلاح و بہبود کے لیے استعمال کیا، وہ دلیر، بااصول اور عوام کے ساتھ گہرا تعلق رکھنے والے رہنما تھے جنہوں نے اپنی سادہ طرزِ سیاست کے ذریعے لوگوں کے دلوں میں جگہ بنائی،میئر کراچی نے کہا کہ شہید عبداللہ مراد نہ صرف ایک مدبر سیاستدان تھے بلکہ اعلیٰ اخلاق اور مضبوط کردار کے مالک بھی تھے، ان کی سیاسی خدمات اور جدوجہد سندھ کی عوامی سیاست میں نمایاں حیثیت رکھتی ہیں،انہوں نے کہا کہ شہید عبداللہ مراد کی خدمات اور قربانیاں ہمیشہ یاد رکھی جائیں گی اور ان کا نام سندھ کی سیاسی تاریخ میں احترام اور قدر کی نگاہ سے لیا جاتا رہے گا۔
