پشاور (بلدیات ٹائمز) لوکل کونسلز ایسوسی ایشن خیبرپختونخوا کی کال پر 5 جنوری کو خیبرپختونخوا اسمبلی کے سامنے احتجاج میں صوبہ بھر سے ہزاروں کی تعداد میں بلدیاتی نمایندے شرکت کرتے ہوئے پی ٹی آئی صوبائی حکومت کے بدترین ظلم نا انصافی کیخلاف اواز بلند کرتے ہوئے بھرپور احتجاج ریکارڈ کرینگے۔ تحصیل چئیرمین داودزئی حاجی کلیم اللہ کا کہنا ہے کہ خیبرپختونخوا پی ٹی آئی صوبائی حکومت نے مقامی حکومتوں کیساتھ ناروا ظلم کرکے نا صرف خیبرپختونخوا کے 29 ہزار بلدیاتی نمائندوں بلکہ درحقیقت صوبہ خیبرپختونخوا کے ساڑھے چار کروڑ عوام کو میونسپل و سماجی خدمات فراہمی سے محروم رکھے رکھا۔
حاجی کلیم اللہ کا مزید کہنا ہے کہ بلدیاتی نمائندے گزشتہ چار سال سے پی ٹی صوبائی حکومت کے مقامی حکومتوں کے حوالے سے ظالمانہ فیصلوں، ترقیاتی فنڈز و اختیارات سے محرومی کیخلاف سراپا احتجاج ہیں۔پی ٹی آئی صوبائی حکومتوں کے بار بار وعدوں کے باوجود بھی پی ٹی آئی حکومت اپنے کیے گئے کسی وعدے کو پورا نہیں کرسکی۔
