گورنر گلگت بلتستان سید مہدی شاہ نے اسماعیلی کمیونیٹی کے 49 ویں امام،روحانی پیشوا مولانا شاہ کریم الحسینی ،آغا خان چہارم کے انتقال پر گہرے دکھ کا اظہار کیا ہے ۔ تعزیتی پیغام میں سید مہدی شاہ نے کہا کہ پرنس کریم آزغا خان کی زندگی ایثار، محبت، اور بے لوث خدمت کی مثال تھی۔ گلگت بلتستان میں کی تعمیر و ترقی میں ان کا بڑا کردار ہے انہوں نے علم، تعلیم، صحت، اور فلاح و بہبود کے چراغ جلائے، اندھیروں میں امید کی کرن بنے، اور ہر لمحہ مسلمانوں اور پوری دنیا کواتحاد، برداشت، اور انسانیت کی اعلیٰ اقدار سکھاتے رہے۔ ان کی رہنمائی صرف ان کے اپنے مریدوں کے لیے نہیں بلکہ پوری دنیا کے لیے تھی انہوں نے ہمیشہ امن، رواداری، اور عزتِ نفس کا پیغام ہر انسان تک پہنچایا۔یہی وجہ ہے آج پوری دنیا سوگوار ہے۔انہوں نے مذید کہا کہ مولا نا چاہ کریم الحیسنی نے دنیا کے گوشہ و کنار میں انسایت کی خدمت کی اور پوری دنیا کو درس کیا کہ انسانیت سب سے بڑا مذہب ہے اور دکھی انسانیت کی خدمت ایک عظیم کام ہے ، گلگت بلتستان میں ہر شعبے میں آغا خان چہارم کی خدمات ہیں خاص کر تعلیم ، صحت اور غربت ذدہ علاقوں میں ہنر مند افراد تیار کرلے انہیں اہنے پاوں پر کھڑا کرنے کیلئے نہ صرف کام کیا بلکہ ایک خوبصورت سوچ ہمیں دیا، ان کی خدمات کو ہمیشہ یاد رکھا جائے گا۔گلگت بلتستان کے اسماعیلی بہن بھائیوں کو بالخصوص اور انسانیت کی خدمت کی سوچ رکھنے والوں کو بالعموم تعزیت پیش کرتے ہیں ۔
