وزیراعلیٰ پنجاب "کلین لاہور مشن” اور "روشن پنجاب” وژن، ڈپٹی کمشنر لاہور کا رائیونڈ روڈ کا دورہ،میونسپل سروسز کا جائزہ

وزیراعلیٰ پنجاب مریم نواز شریف کے لاہور کو ایک صاف ستھرا، خوبصورت اور روشن شہر بنانے کے وژن کو عملی جامہ پہنانے کے لیے، ڈپٹی کمشنر لاہور کیپٹن (ر) محمد علی اعجاز نے رائیونڈ روڈ کا دورہ کیا۔ اس موقع پر چیف آفیسر میٹروپولیٹن کارپوریشن لاہور اور اسسٹنٹ کمشنر رائیونڈ بھی ان کے ہمراہ تھے۔ ڈپٹی کمشنر نے رائیونڈ روڈ پر جاری صفائی ستھرائی، بیوٹیفکیشن (تزئین و آرائش) اور سٹریٹ لائٹس کی بحالی کے کاموں کا تفصیلی معائنہ کیا۔ متعلقہ افسران نے انہیں جاری آپریشنز اور ان کی پیش رفت پر بریفنگ دی۔ کیپٹن (ر) محمد علی اعجاز نے کام کے معیار کو سراہا اور اسے مزید بہتر بنانے کے لیے ہدایات جاری کیں۔ انہوں نے کہا، "وزیراعلیٰ پنجاب کی ہدایت واضح ہے: لاہور کے شہریوں کو بہترین میونسپل سروسز فراہم کی جائیں۔ اس مقصد کے حصول کے لیے صفائی، شہر کی خوبصورتی اور روشنیوں کی بحالی پر خصوصی توجہ دی جا رہی ہے۔” انہوں نے مزید کہا کہ عوامی خدمت میں کسی بھی قسم کی غفلت یا کوتاہی برداشت نہیں کی جائے گی اور تمام افسران کو ہدایت کی کہ وہ فیلڈ میں رہ کر کام کی نگرانی کریں تاکہ منصوبوں کی بروقت اور معیاری تکمیل کو یقینی بنایا جا سکے۔