*ایل ڈی اے ٹیموں نےمختلف سکیموں اور ایل ڈی اے کنٹرولڈ ایریا میں آپریشن کرکے233املاک سربمہرکر دیں*

ڈی جی ایل ڈی اے طاہر فاروق کی ہدایات پر ایل ڈی اے ٹاؤن پلاننگ ونگ غیرقانونی کمرشل عمارتوں اورکمرشل فیس نادہندگان املاک کے خلاف متحرک ہے۔ ایل ڈی اے ٹیموں نےمختلف سکیموں اور ایل ڈی اے کنٹرولڈ ایریا میں آپریشن کرکے233املاک سربمہرکر دیں۔ ایل ڈی اے ٹیموں نے ڈیفنس روڈ، ریونیو سوسائٹی، واپڈا ٹاؤن، گلبرگ،نیو گارڈن ٹاؤن، جی ٹی روڈ، مسلم ٹاؤن، سمن آباد اور سبزہ زار میں آپریشن کیا۔ ٹیموں نے غیر قانونی کمرشل استعمال پر ڈیفنس روڈ پر 90 املاک، ریونیو سوسائٹی میں 18 املاک اور واپڈا ٹاؤن میں 60 املاک سربمہر کر دیں۔غیرقانونی کمرشل استعمال،کمرشل فیس کی عدم ادائیگی پر گلبرگ اور نیو گارڈن ٹاؤن میں 27 املاک، جی ٹی روڈ، مسلم ٹاؤن اور سمن آباد میں 20 املاک سربمہر کر دیں۔ ٹیموں نے ریکوری آپریشن کے دوران سبزہ زار میں 18 املاک سیل کر دیں۔سیل کی گئی املاک میں نجی سکول، گراسری سٹور،بیکری،ریستوران،فوڈ پوائنٹ، بیوٹی سیلون،فارمیسی، کلینک، دکانیں، دفاتر ودیگر شامل ہیں۔ آپریشن چیف ٹاؤن پلانر ون اسد الزمان اور چیف ٹاؤن پلانر ٹو اظہر علی کی زیر نگرانی کیا گیا۔ ڈی جی ایل ڈی اے کی ہدایت پر غیرقانونی کمرشل عمارتوں،کمرشل فیس نادہندگان املاک کے خلاف بلاامتیاز کارروائیاں جاری ہیں۔