*صوبائی وزیر برائے ہاؤسنگ بلال یاسین کانکاسی آب کا جائزہ لینے کیلئے لکشمی چوک کا دورہ۔*

صوبائی وزیر برائے ہاؤسنگ اینڈ اربن ڈویلپمنٹ بلال یاسین نکاسی آب کا جائزہ لینے لکشمی چوک پہنچ گئے۔ڈی جی واسا پنجاب طیب فرید بھی صوبائی وزیر کے ہمراہ تھے۔صوبائی وزیر نے واسا حکام سے نکاسی آب کے انتظامات اور مشینری بارے دریافت کیا۔ صوبائی وزیر نے متعلقہ حکام کو نشیبی علاقوں سے نکاسی آب کی رپورٹ جمع کروانے کی ہدایت کی۔ اس موقع پر صوبائی وزیر بلال یاسین کا کہنا تھا کہ نکاسی آب میں مشغول تمام واسا ملازمین ایس او پیز پر عملدرآمد یقینی بنائیں۔ وزیر اعلیٰ پنجاب کی ہدایت پر بروقت نکاسی آب اور ٹریفک روانی برقرار رکھی جائے۔ انہوں نے تعمیراتی سائٹس کے گرد حفاظتی حصار اور مناسب روشنی کے انتظامات مکمل کرنے کی بھی ہدایت کی۔