وزیراعلیٰ پنجاب شکایات سیل کی ٹیم سرگودھا پہنچ گئی، آرٹس کونسل میں کھلی کچہری کا انعقادکیاگیا- چیئر پرسن وزیراعلیٰ شکایات سیل صائمہ فاروق نے عوامی مسائل سن کر فوری احکامات جاری کر دئیے- کمشنرحافظ شوکت علی، ڈپٹی کمشنر حسین احمد رضا چوہدری اور ڈی پی او صہیب اشرف بھی کھلی کچہری میں موجودتھے- 246 سے زائد شہریوں نے محکمہ مال، پولیس، صفائی، صحت، تعلیم اور سیوریج سے متعلق شکایات بیان کیں – متعدد شہریوں کے مسائل موقع پر حل کئے اور پیچیدہ معاملات متعلقہ محکموں کے سپرد کردئیے گئے-چیئر پرسن وزیراعلیٰ شکایات سیل صائمہ فاروق نے کہاکہ وزیراعلیٰ مریم نواز شریف کے ویژن کے مطابق عوام کو فوری ریلیف فراہم کرنے کے لئے سرگرم عمل ہیں -تمام محکموں کی ایک چھت تلے موجودگی سے عوام کو مسائل کے حل میں سہولت میسر ہوئی ہے- درخواستوں پر مسلسل فالو اپ لیا جائے گا، مسئلہ حل ہونے تک چین سے نہیں بیٹھیں گے- کمشنر حافظ شوکت علی نے کہاکہ عوامی درخواستوں پر شفاف انداز میں کارروائی عمل میں لائی جائے گی-ڈپٹی کمشنر حسین احمد رضا چوہدری نے کہاکہ کھلی کچہری میں موصول شکایات کے حل کے لیے افسران کو ٹائم لائن دے دی گئی- قانون کی بالادستی اور شہریوں کو بروقت ریلیف کی فراہمی یقینی بنائی جا رہی ہے-
