وزیر اعلیٰ پنجاب مریم نواز شریف کی ہدایت پر تمام واسا ایجنسیوں کو مشینری و آلات کی فراہمی کا سلسلہ جاری ہے۔ صوبائی وزیر ہاؤسنگ اینڈ اربن ڈویلپمنٹ بلال یاسین نے گاڑیوں کی علامتی چابی ڈی جی واسا پنجاب کے سپرد کی۔ سیکرٹری ہاؤسنگ نورالامین مینگل اور دیگر افسران بھی ہمراہ تھے۔ڈی واٹرنگ سیٹ، سیور سکر مشینیں، جیٹنگ مشینیں،ٹریکٹر ٹرالیاں، واٹر باؤزرز، ڈمپرز، ونچنگ مشینری، وہیل ایکسکویٹر اور کرین بھی مشینری و آلات میں شامل تھیں۔ اس موقع پر صوبائی وزیر برائے ہاؤسنگ بلال یاسین کا کہنا تھا کہ مون سون سے قبل بارشوں کے پیش نظر مشینری کی جلد از جلد فراہمی یقینی بنائی جا رہی ہے۔ 937 مختلف اقسام کی مشینری و آلات مرحلہ وار 41 اضلاع میں پہنچائی جا رہی ہیں۔ صوبائی وزیر نے واضح کیا کہ بروقت مشینری کی فراہمی سے واسا ایجنسیوں کے فیلڈ آپریشنز کو کامیاب بنانے میں مدد ملے گی۔ پی ڈی پی کے تحت کریٹیکل علاقوں میں واسا کے جاری ترقیاتی کاموں کو بھی 30 جون تک مکمل کر لیا جائے گا۔
*صوبائی وزیر ہاؤسنگ اینڈ اربن ڈویلپمنٹ بلال یاسین نے گاڑیوں کی علامتی چابی ڈی جی واسا پنجاب کے سپرد کر دی۔*
