وزیر ہاؤسنگ اینڈ اربن ڈویلپمنٹ بلال یاسین کی زیر صدارت عیدالاضحیٰ سے متعلق واسا کی تیاریوں بارے اہم اجلاس ہوا۔وائس چیئرمین واسا چودھری شہباز ،ڈی جی واسا پنجاب طیب فرید جبکہ تمام ایم ڈیز نے بذریعہ ویڈیو لنک شرکت کی۔ عید کے ایام میں فیلڈ افسران کی موجودگی یقینی بنانے اور حاضری سخت رکھنے کا فیصلہ کیا گیا۔وزیر اعلیٰ پنجاب مریم نواز شریف کی ہدایت پر عیدالاضحیٰ کے ایام میں صوبہ بھر میں پانی کی فراہمی کے اوقات کار بڑھائے جائیں گے۔ صوبائی وزیر برائے ہاؤسنگ بلال یاسین نے تمام شہروں میں ڈرینج، سیوریج اور بارشی پانی کی نکاسی کے انتظامات پہلے سے مکمل کرنے کی ہدایت کردی۔ ان کا کہنا تھا کہ قربانی کے جانوروں کی آلائشوں کو نالوں میں پھینکنے والوں کیخلاف سخت کارروائی یقینی بنائی جائے گی۔اہم مقامات، گنجان آبادیوں اور نشیبی علاقوں میں خصوصی ٹیمیں تعینات کرنے کا بھی فیصلہ کیا گیا۔ صوبائی وزیر بلال یاسین نے ڈی جی واسا پنجاب کو اپنی تمام مشینری، افرادی قوت اور فیلڈ ٹیمیں مکمل طور پر الرٹ رکھنے کی ہدایت کی۔ انہوں نے واضح کیا کہ شہریوں کو بدبو، تعفن اور پانی جمع ہونے سے بچانے پر فیلڈ ٹیمیں متحرک نظر آنی چاہیں۔ عیدالاضحیٰ سےکے دوران شہریوں کو بہترین نکاسی آب کے انتظامات اور پانی کی فراہمی ہر صورت یقینی بنائی جائے گی۔
Read Next
13 گھنٹے ago
لاہور کے گرد رنگ فارسٹیشن منصوبے کے تحت 20 لاکھ پودے لگانے کا منصوبہ،کمشنر لاہور کو بریفنگ
15 گھنٹے ago
*صوبائی وزیر بلال یاسین کی زیر صدارت پی ڈی پی کے تحت واسا کے ترقیاتی منصوبوں پر پیش رفت کا جائزہ اجلاس*
1 دن ago
ڈویلپمنٹ اتھارٹیز ماسٹر پلانز پر مؤثر عملدرآمد یقینی بنائیں،پارلیمانی سیکرٹری ہاؤسنگ سلطان طارق باجوہ
1 دن ago
پنجاب کی41 ہارٹیکلچر ایجنسیوں کے لئے یکساں ڈیجیٹل نظام متعارف کروایا جائے گا،سیکرٹری ہاؤسنگ دانش افضال
2 دن ago





