کمشنر لاہور مریم خان اور ڈی سی لاہور کیپٹن ر علی اعجازکابی بی پاک دامن دربار کا دورہ

کمشنر لاہور مریم خان اور ڈی سی لاہور کیپٹن ر علی اعجاز نے بی بی پاک دامن دربار کا دورہ کیا۔ انہوں نے بی بی پاک دامن دربار پر 7,8,9 ذوالحج کو منعقد ہونے بڑی مجالس کے انتظامات کا جائزہ لیا۔ ایس ایس پی آپریشنز لاہور توقیر احمد، سی او ایم سی ایل اور ایس پی سول لائنز بھی ہمراہ موجود تھے۔ ضلعی انتظامیہ اور پولیس افسران نے سکیورٹی اور میونسپل انتظامات پر بریفنگ دی۔ انہوں نے بریفنگ دیتے ہوئے کہا کہ سکیورٹی انتظامات مکمل ہیں، کیمروں سے مانیٹرنگ جاری ہے۔ ریسکیو، میڈیکل کور، سکیورٹی،مانیٹرنگ، لائٹنگ اور نکاسی آب انتظامات مکمل ہیں۔کمشنر لاہور نے بی بی پاک دامن دربار داخلی راستوں اور بازار کا دورہ کیا اور انتظامات کا جائزہ لیا۔ کمشنر لاہور نے صفائی، لیسکو اور واسا عملے کو شاباش دی اور سہولیات بارے دریافت کیا۔ بی بی پاک دامن دربار منتظمین و لائسنس ہولڈرز نے انتظامات پر اطمینان کا اظہار کیا۔اس موقع پر گفتگو کرتے ہوئے کمشنر لاہور نے کہا ہے کہ وزیر اعلی پنجاب کی ہدایت پر بی بی پاکدامن ذوالحج مجالس انتظامات کا جائزہ لیا گیا، انتظامات کو ہر پہلو سے یقینی بنانے کی ہدایات کے مطابق اقدامات اٹھائے گئے ہیں۔ انہوں نے کہا کہ ہزاروں زائرین و شرکاء کی آمد اورمجالس اوقات کو مدنظر رکھ کر انتظامات کو یقینی بنایا جارہا ہے، انتظامیہ کا منتظمین سے رابطہ ہے، مجالس اوقات کی پابندی پر عملدرآمد یقینی بنائیں۔