اسلام آباد میں بلدیاتی انتخابات کا شیڈول جاری,بلدیاتی انتخابات کیلئے پولنگ 29 ستمبر 2024 کو ہوگی۔الیکشن کمیشن آف پاکستان نے وفاقی دارالحکومت میں بلدیاتی انتخابات کا باقاعدہ شیڈول جاری کردیا ہے۔اس سلسلہ میں جاری نوٹیفکیشن کے مطابق بلدیاتی انتخابات کے لئے امیدواروں کو کاغذات نامزدگی کا اجراء 15 اگست سے شروع ہو جائے گا۔کاغذات جمع کروانے کے لئے 16تا 20 اگست کا ٹائم دیاگیا ہے۔امیدواروں کی ابتدائی فہرست 21 اگست کو آویزاں کی جائے گی۔کاغذات کی جانچ پڑتال 22 تا 26اگست ،اپیلوں کےلئے 27تا 29اگست اپیلوں پر فیصلوں کے لئے 30 اگست تا 3 ستمبر ،امیدواروں کی نظر ثانی شدہ فہرست 4 ستمبر مقرر کی گئی ہے۔کاغذات نامزدگی واپس لینے کی آخری تاریخ 5 ستمبرہے۔نشانات 6 ستمبر کو الاٹ کئے جائیں گے جبکہ پولنگ29 ستمبر کو ہوگی۔اسلام آباد میں مقامی حکومتوں کے انتخابات لوکل گورنمنٹ الیکشن رولز 2015 کے تحت کروائے جائیں گے۔
اسلام آباد میں بلدیاتی انتخابات کا شیڈول جاری,بلدیاتی انتخابات کیلئے پولنگ 29 ستمبر کو ہوگی
