صوبے کی تاریخ کی بلند ترین ٹیکس وصولیوں کی جانب پنجاب ریونیو اتھارٹی کے بڑھتے قدم۔۔چیئرمین پنجاب ریونیو اتھارٹی معظم اقبال سپرا کی زیر صدارت ماہانہ ریونیو اہداف بارے اجلاس ہوا۔ بریفنگ میں بتایا گیا کہ رواں مالی سال مئی میں 33 اعشاریہ 7 ارب سے زائد ٹیکس ریونیو اکٹھا کر لیا گیا جبکہ گزشتہ سال مئی میں 27 ارب روپے کے محصولات اکٹھے کیے گئے تھے۔ گزشتہ مالی سال کے ابتدائی 11 ماہ میں 231 اعشاریہ 7 ارب جبکہ رواں سال اب تک 319 ارب سے زائد رقم جمع کر لی گئی ہے۔ چیئرمین پی آر اے معظم اقبال سپرا کا کہنا تھا کہ گزشتہ مالی سال کے مقابلے میں رواں مالی سال اب تک 87 ارب سے زائد ریونیو ٹیکس اکٹھا کیا جاچکا ہے۔ وزیر اعلیٰ پنجاب کی ہدایت پر دیگر اضلاع میں دفاتر کے قیام اور مؤثر انفورسمنٹ کے مثبت نتائج سامنے آئے ہیں ۔ ڈیجیٹل ڈیٹا بیس اور ٹیکس نادہندگان کی مسلسل مانیٹرنگ سے ریونیو میں نمایاں اضافہ ہوا۔ تمام اضلاع کے کمشنرز اور انفورسمنٹ افسران نے بذریعہ ویڈیو لنک شرکت کی۔
چیئرمین پنجاب ریونیو اتھارٹی معظم اقبال سپرا کی زیر صدارت ماہانہ ریونیو اہداف بارے اجلاس،گذشتہ سال سے 87 ارب سے زائد کا ریونیو اکٹھا
