طاہر فاروق کا سیٹیزن فیسلیٹیشن سنٹر کا دورہ،ٹاؤن پلاننگ کی زیادہ تر سروسز ای بیز پر منتقل کر دی گئی ہیں،ڈی جی ایل ڈی اے

ڈی جی ایل ڈی اے طاہر فاروق نے سیٹیزن فیسلیٹیشن سنٹر ایل ڈی اے کا دورہ کیا۔ڈی جی ایل ڈی اے نے این او سی کے حصول اور پراپرٹی ٹرانسفر کے لیے آئے شہریوں سے ان کے مسائل بارے دریافت کیا۔ڈائریکٹر سیٹیزن فیسلیٹیشن سنٹر نے ڈی جی ایل ڈی اے کو بریفنگ دی۔ڈی جی ایل ڈی اے نے سیٹیزن فیسلیٹیشن سنٹر پر آئی سفٹنگ اور نان سفٹنگ فائلوں کے سٹیٹس کا جائزہ لیا۔اس موقع پر گفتگو کرتے ہوئے ڈی جی ایل ڈی اے نے کہا کہ شہریوں کی سہولت کے لیے مالی سال کے اختتام پر سیٹیزن فیسلیٹیشن سنٹر کے اوقات بڑھائے گئے ہیں،بروز ہفتہ سیٹیزن فیسلیٹیشن سنٹر شام 6 بجے تک کھلا رہے گا۔ پیر اور منگل، 29 اور 30 جون کو سیٹیزن فیسلیٹیشن سنٹر صبح 9 سے رات 9 بجے تک کھلا رہے گا۔مالی سال کے اختتام پر شہریوں کی سہولت کے لیے اضافی اوقات کار میں افسران و عملہ ڈیوٹی پر رہے گا۔ڈی جی ایل ڈی اے نے کہا کہ ایل ڈی اے ٹاؤن پلاننگ کی زیادہ تر سروسز ای بیز پر منتقل کر دی گئی ہیں۔ ای بیز پر موجود سروسز کے لیے شہریوں کو ایل ڈی اے آنے کی ضرورت نہیں ہے۔ای بز پورٹل پر آئی درخواستوں کو خودکار طریقے سے پراسس کیا جا رہا ہے۔ سیٹیزن فیسلیٹیشن سنٹر میں درخواستوں کی پراسیسنگ بہتر بنانے کے لیے مزید ریفارمز کر رہے ہیں۔