*لاہور سمیت تمام اضلاع میں محرم کے مرکزی جلوس پرامن اختتام پزیر ۔کمشنر لاہور مریم خان*

کمشنرلاہورڈویژن مریم خان نے کہا ہے کہ لاہور سمیت تمام اضلاع میں محرم کے مرکزی جلوس شیڈول کے مطابق پرامن اختتام پزیر ہو گئے ہیں۔ انہوں نے کہا کہ لاہور کا 10 محرم کا مرکزی جلوس نثار حویلی سے برآمد ہوکر اپنے روایتی روٹ سے ہوتے ہوئے کربلا گامے شاہ پر اختتام پذیر ہوا۔ ضلعی انتظامی محکمے اور پولیس افسران مرکزی جلوس کے ہمراہ موجود ہیں۔ کمشنر لاہور نے کہا کہ شدید گرمی کی باعث سموگ وہیکلز سے جلوس روٹس و مجالس ایریاز فضا میں پانی کا چھڑکاؤ کیا گیا۔کمشنرلاہورڈویژن مریم خان نے یوم عاشورہ 10 محرم کے حوالے سے ضلعی مرکزی کنٹرول سنٹر کا دورہ کیا۔ انہوں نے میٹرو بس پل سے مرکزی جلوس کا جائزہ لیا۔ مرکزی مانیٹرنگ و کنٹرول سنٹر سے لاہور کے مرکزی جلوس کی لائیو مانیٹرنگ کا جائزہ لیا۔ اس موقع پر ڈی سی لاہور نے نثار حویلی سے برآمد ہونے والا مرکزی جلوس کربلا گامے شاہ انتظامات و مانیٹرنگ پر بریفنگ دی۔ کمشنر لاہور و دیگر افسران نے میٹرو بس پل سے کربلا گامے شاہ کیجانب رواں دواں جلوس کا بھی جائزہ لیا۔کمشنر لاہور نے شدید گرم موسم کے باوجود دن رات فرائض سرانجام دینے والے محکموں کو شاباش دی۔ انہوں نے کہا کہ ضلعی انتظامیہ، پولیس، میونسپل محکمے 24گھنٹے جلوسوں کے ہمراہ موجود رہے انتھک ڈیوٹی سرانجام دی۔ تمام ضلعی محکموں کی انتھک محنت کی وجہ سے الحمدللہ لاہور سمیت تمام جلوسوں کے روٹس پر کوئی رکاوٹ پیش نہیں آئی، میونسپل انتظامات شاندار رہے، جلوس ختم ہونے تک محکموں نے فرائض احسن طریقے سے سرانجام دئے۔