میئر کراچی بیرسٹر مرتضیٰ وہاب نے پاکستان پیپلز پارٹی کے رہنما امجد حسین کو گلگت بلتستان کا وزیر اعلیٰ منتخب ہونے پر دلی مبارکباد پیش کرتے ہوئے کہا ہے کہ ان کا انتخاب پاکستان پیپلز پارٹی اور جمہوری اقدار کی کامیابی ہے، انہوں نے کہا کہ امجد حسین کے انتخاب سے پاکستان پیپلز پارٹی کی قیادت پر عوام کے اعتماد کا اظہار مزید مضبوط ہوا ہے،میئر کراچی نے اپنے تہنیتی پیغام میں کہا کہ انہیں امید ہے کہ امجد حسین اپنی صلاحیتوں، تجربے اور قائدانہ صلاحیتوں کو بروئے کار لاتے ہوئے گلگت بلتستان کو ترقی، خوشحالی اور بہتر طرزِ حکمرانی کی نئی راہوں پر گامزن کریں گے، انہوں نے کہا کہ چیئرمین پاکستان پیپلز پارٹی بلاول بھٹو زرداری کے وژن کے مطابق عوامی خدمت کا سفر گلگت بلتستان میں مزید مضبوط ہوگا اور عوامی فلاح و بہبود کے منصوبوں میں مزید تیزی آئے گی، انہوں نے کہا کہ پاکستان پیپلز پارٹی ہمیشہ عوامی خدمت، جمہوریت، آئینی بالادستی اور مساوی ترقی کے اصولوں پر کاربند رہی ہے، انہوں نے کہا کہ گلگت بلتستان کی عوام نے ایک بار پھر پاکستان پیپلز پارٹی پر اپنے اعتماد کا اظہار کیا ہے اور انہیں یقین ہے کہ نئی صوبائی قیادت عوام کی توقعات پر پورا اترتے ہوئے خطے میں ترقیاتی منصوبوں، روزگار کے مواقع، بہتر تعلیم، صحت اور بنیادی سہولیات کی فراہمی کے لیے مؤثر اقدامات کرے گی، انہوں نے کہا کہ گلگت بلتستان قدرتی وسائل، سیاحت اور ثقافتی تنوع کے اعتبار سے ملک کا ایک اہم خطہ ہے جس کی پائیدار ترقی پورے پاکستان کی ترقی سے جڑی ہوئی ہے، امجد حسین کی قیادت میں صوبے میں ترقی اور خوشحالی کے نئے باب کا آغاز ہوگا اور عوام کی زندگی میں مثبت تبدیلی آئے گی، میئر کراچی نے کہا کہ پاکستان پیپلز پارٹی ملک کے تمام حصوں کی یکساں ترقی پر یقین رکھتی ہے اور گلگت بلتستان میں نئی حکومت عوامی خدمت، شفاف طرزِ حکمرانی اور ترقیاتی عمل کو مزید مؤثر بنائے گی، انہوں نے امجد حسین اور ان کی پوری ٹیم کے لیے نیک تمناؤں کا اظہار کرتے ہوئے دعا کی کہ اللہ تعالیٰ انہیں عوام کی خدمت، دیانتداری اور کامیابی کے ساتھ اپنی ذمہ داریاں ادا کرنے کی توفیق عطا فرمائے۔
میئر کراچی بیرسٹر مرتضیٰ وہاب کی امجد حسین کو گلگت بلتستان کا وزیرِاعلیٰ منتخب ہونے پر مبارکباد
