صوبہ بھر میں نئے کاروباروں کی رجسٹریشن اور ٹیکس نیٹ میں شمولیت کو یقینی بنانے کیلئے پی آر اے متحرک۔۔چیئرمین پنجاب ریونیو اتھارٹی معظم اقبال سپرا کی زیر صدارت اجلاس میں ڈویژنل سطح پر کارکردگی کا جائزہ لیا گیا۔ فیلڈ افسران کے بزنس رجسٹریشن، ای آئی ایم ایس کے نفاذ اور ٹیکس کولیکشن اہداف کا جائزہ لیا گیا۔ الیکٹرانک انوائس مانیٹرنگ سسٹم پر عملدرآمد نہ کرنے والے کاروباری مراکز کے خلاف سخت کارروائی کا فیصلہ کیا گیا ہے۔ انفورسمنٹ افسران کو انوائس مانیٹرنگ سسٹم کے لازم استعمال بارے مہم کو تیز کرنے کی بھی ہدایت کردی۔ چیئرمین پی آر اے کا کہنا تھا کہ جعلی، غیر مصدقہ یا کیو آر کوڈ کے بغیر رسیدوں کے اجرا کی شکایات پر فوری ایکشن اور بھاری جرمانے عائد کیے جائیں گے۔ قوانین کی خلاف ورزی اور ٹیکس ادائیگی میں خردبرد کرنے والوں کی مسلسل مانیٹرنگ یقینی بنائی جائے گی۔ ڈیجیٹل نظام کے فروغ سے شفافیت، محصولات میں اضافہ اور ٹیکس دہندگان کو بہتر سہولیات فراہم کی جا سکیں گی۔ معظم اقبال سپرا نے واضح کیا کہ محصولات میں اضافہ، شفافیت اور ٹیکس نظام کی بہتری کیلئے انفورسمنٹ اور ڈیجیٹلائزیشن دونوں ناگزیر ہیں۔
*الیکٹرانک انوائس مانیٹرنگ سسٹم پر عملدرآمد نہ کرنیوالے کاروباری مراکز کے خلاف سخت کارروائی کا فیصلہ*
