کمشنر نعمان یوسف کا نکاسی آب آپریشن و ایریاز کلیرنس جائزہ کے لئے لاہور کے مختلف علاقوں کا دورہ

لاہور شہر میں وقفے وقفے سے بارش کا سپیل جاری ہے۔ کمشنر لاہور نعمان یوسف نے نکاسی آب آپریشن و ایریاز کلیرنس جائزہ کے لئے مختلف علاقوں کا دورہ کیا۔ کمشنر لاہور نے سیکرٹریٹ، فیروزپور روڈ، قزافی سٹیڈیم کا دورہ کیا۔ اس موقع پر ایم ڈی واسا نے نکاسی آب آپریشنز بارے آن سپاٹ بریفنگ دی۔ ایم ڈی وسا نے کہا کہ نکاسی آب آپریشنز جاری ہیں، انڈرگراونڈ واٹر ٹینکس سے نکاسی آب جلد ہورہی ہے۔ اس موقع پر گفتگو کرتے ہوئے کمشنر لاہور نعمان یوسف نے کہا ہے کہ الحمدللہ ایریاز کلیر ہیں، بارش میں متواتر نکاسی عمل بھی جاری ہے، انہوں نے کہا کہ بارش کے دوران متواتر آپریشن جاری رہنے سے بھی پانڈنگ کلیر ہے، نشیبی آبادیوں اور ایریاز پر مکمل فوکس ہے، کم سے کم وقت میں ایریاز کو کلیر کیا جارہا ہے، اس پر کوئی کمپرومائز نہیں، انڈر گراونڈ واٹر ٹینکس کی جگہ بھی متفرق سرگرمیوں کیلیے فعال رہتی ہے۔ کمشنر لاہور نے کہا کہ انتظامیہ فیلڈ میں ہے، ہر پوائنٹ پر ایمرجنسی ٹیمیں موجود ہیں، نکاسی آب آپریشن کے بعد صفائی آپریشن بھی کیا جا رہا ہے۔ انہوں نے کہا کہ مین روڈز، ذیلی روڈز و ایریاز کی کلیرنس کے ساتھ ہی نشیبی علاقوں کو کلیر کیا جارہا ہے، واسا کے کیمپس اور ڈسپوزل اسٹیشنز پوری صلاحیت سے فعال ہیں، مزید بارش کیصورت میں ٹیمیں ایریاز میں بروقت ردعمل دینے کیلئے موجود ہیں۔