گورنر گلگت بلتستان سید مہدی شاہ نے وزیر اعلیٰ گلگت بلتستان امجد حسین کی سفارش پر گلگت بلتستان کابینہ کے مزید پانچ وزراء کی تقرری کی سمری کی منظوری دے دی ہے اور انہیں باقاعدہ قلمدان بھی تفویض کر دیے گئے ہیں۔گورنر گلگت بلتستان کی منظوری کے بعد محکمہ جنرل ایڈمنسٹریشن اینڈ کیبنٹ ڈپارٹمنٹ گلگت بلتستان پانچوں وزراء کے قلمدانوں کا باقاعدہ نوٹیفکیشن جاری کرے گا۔ تفصیلات کے مطابق سید توقیر مہدی کو محکمہ پانی و بجلی، محمد دلپذیر کو محکمہ داخلہ، پولیس و جیل خانہ جات، امان علی کو محکمہ سکول ایجوکیشن، انور علی کو محکمہ زراعت، لائیو اسٹاک و فشریز جبکہ اسد شفیق کو محکمہ معدنیات، صنعت، لیبر و تجارت کا قلمدان سونپا گیا ہے۔ اسد شفیق کو ہائیر، ٹیکنیکل اینڈ سپیشل ایجوکیشن کا اضافی قلمدان بھی تفویض کیا گیا ہے۔
