وزیراعلیٰ خیبر پختونخوا محمد سہیل خان آفریدی نے ضلع خیبر میں اسٹریٹ موومنٹ کا باقاعدہ آغاز کر دیا

چیئرمین عمران خان کی رہائی – خیبر اسٹریٹ موومنٹ،وزیراعلیٰ خیبر پختونخوا محمد سہیل خان آفریدی نے ضلع خیبر میں اسٹریٹ موومنٹ کا باقاعدہ آغاز کر دیا۔ ان کے ہمراہ صوبائی وزراء، اراکینِ قومی و صوبائی اسمبلی اور پارٹی قائدین بھی موجود تھے۔وزیراعلیٰ کی قیادت میں چڑہائی سر سے جمرود تک اسٹریٹ موومنٹ ریلی نکالی گئی، جس میں ہزاروں کی تعداد میں عوام اور پارٹی کارکنان نے شرکت کی۔ ریلی میں پاکستان، آزاد کشمیر اور پارٹی کے پرچموں کی بہار نظر آئی۔وزیراعلٰی خیبر پختونخوا محمد سہیل آفریدی نے خطاب میں کہا کہ آج کی اسٹریٹ موومنٹ اور بھرپور عوامی ریلی نے ایک بار پھر ثابت کر دیا کہ عوام اپنے قائد، چیئرمین عمران خان سے بے پناہ محبت کرتے ہیں اور ان کی رہائی کے لیے کسی بھی قربانی سے دریغ نہیں کریں گے۔ان شاء اللہ، اسٹریٹ موومنٹ کو پاکستان کے ہر کونے تک لے کر جائیں گے اور عمران خان کے شاہینوں کو 27 ستمبر کی فائنل کال کے لیے بھرپور متحرک کیا جائے گا۔