الیکشن کمشن نے پنجاب کی یونین کونسلز کی حلقہ بندیوں کی حتمی فہرست جاری کردی ہے،مختلف اضلاع اور مختلف بلدیاتی اداروں کی الگ الگ حلقہ بندیوں کی فہرستیں ڈپٹی کمشنرز کو بھجوا دی گئی ہیں۔یہ حلقہ بندیاں پنجاب لوکل گورنمنٹ ایکٹ 2025 کے تحت مکمل کی گئی ہیں۔جن پر آئندہ پنجاب میں بلدیاتی انتخابات کروانے کا اعلان کیا گیا ہے۔الیکشن کمیشن نے اس حوالے سے خصوصی اجلاس بھی طلب کر لیا ہے۔ٹاؤن کارپوریشنز،تحصیل کونسلز،میونسپل کارپوریشن،میونسپل کمیٹیوں کی سطح پر فہرستیں جاری کی گئی ہیں۔صوبائی حکومتوں کی طرف سے پنجاب میں بلدیاتی انتخابات میں عدم تعاون اور قانون سازی کی آڑ میں تاخیری حربوں کے باعث الیکشن کمیشن کی طرف سے تیسری مرتبہ حلقہ بندیاں کی گئی ہیں۔
