وزیراعلیٰ پنجاب مریم نواز شریف کی ہدایت پر چیئرمین واسا پنجاب و سیکرٹری ہاؤسنگ نورالامین مینگل نے سیالکوٹ کا ہنگامی دورہ کیا اور شہر میں جاری نکاسیٔ آب کے آپریشنز کا موقع پر جائزہ لیا۔ سیالکوٹ میں اوسطاً 239 ملی میٹر بارش ریکارڈ کی گئی، تاہم شدید بارش کے باوجود نکاسیٔ آب کا عمل ریکارڈ وقت میں مکمل کیا گیا۔اس موقع پر ایم ڈی واسا سیالکوٹ نے سیکرٹری ہاؤسنگ کو جاری ڈی واٹرنگ آپریشنز اور نکاسیٔ آب کے انتظامات پر تفصیلی بریفنگ دی۔ سیکرٹری ہاؤسنگ نے فیلڈ میں موجود مشینری، عملے اور نکاسیٔ آب کے انتظامات کا جائزہ لیا اور ضروری ہدایات جاری کیں۔چیئرمین واسا پنجاب و سیکرٹری ہاؤسنگ نے شہریوں سے براہِ راست نکاسیٔ آب اور واسا کی کارکردگی سے متعلق فیڈ بیک بھی لیا۔ شہریوں نے بارش کے بعد صورتحال میں بہتری پر اطمینان کا اظہار کرتے ہوئے کہا کہ شہر کی صورتحال پہلے سے بہتر ہوئی ہے اور واسا کی بہتر کارکردگی سے شہریوں کو ریلیف ملا ہے۔ شہریوں نے سیالکوٹ میں بہتر نکاسیٔ آب کے انتظامات پر حکومت پنجاب کا شکریہ بھی ادا کیا۔سیکرٹری ہاؤسنگ نورالامین مینگل نے کہا کہ مون سون کے باعث پنجاب کے مختلف مقامات پر پنجاب ڈویلپمنٹ پروگرام کے جاری کاموں کی رفتار متاثر ہوئی ہے، تاہم مون سون کے اختتام کے بعد ترقیاتی منصوبوں پر کام بھرپور انداز میں دوبارہ شروع کیا جائے گا۔چیئرمین واسا پنجاب چوہدری شیر علی خان نے کہا کہ وزیراعلیٰ پنجاب مریم نواز شریف نے شہریوں کے حقیقی مسائل کے حل کے لیے عملی اقدامات کیے ہیں۔ واسا کی سروس ڈلیوری مضبوط ہونے سے شہریوں کا ادارے پر اعتماد مزید مستحکم ہوا ہے۔انہوں نے کہا کہ شہریوں کو فوری ریلیف کی فراہمی اور بارش کے دوران مؤثر نکاسیٔ آب کے انتظامات ہماری اولین ترجیح ہیں۔ انہوں نے فیلڈ افسران اور عملے کی جانب سے بارش کے دوران مسلسل متحرک رہنے اور شہریوں کو بروقت ریلیف فراہم کرنے کی کوششوں کو سراہا۔
Read Next
21 گھنٹے ago
ایم ڈی واسا لاہور غفران احمد کی زیر صدارت ایل ڈی پی فیز ون اور ٹو کی جی آئی ایس میپنگ کے حوالے سے اہم اجلاس
2 دن ago
لاہور کے گرد رنگ فارسٹیشن منصوبے کے تحت 20 لاکھ پودے لگانے کا منصوبہ،کمشنر لاہور کو بریفنگ
2 دن ago
*صوبائی وزیر بلال یاسین کی زیر صدارت پی ڈی پی کے تحت واسا کے ترقیاتی منصوبوں پر پیش رفت کا جائزہ اجلاس*
3 دن ago
ڈویلپمنٹ اتھارٹیز ماسٹر پلانز پر مؤثر عملدرآمد یقینی بنائیں،پارلیمانی سیکرٹری ہاؤسنگ سلطان طارق باجوہ
3 دن ago






