پنجاب واسا کا تیسرا اہم اتھارٹی اجلاس کل جمعہ کے روز دوپہر 2 بجے اتھارٹی آفس، ٹاؤن شپ لاہور میں منعقد ہوگا۔ اجلاس کی صدارت چیئرمین پنجاب واسا چودھری شیر علی خان کریں گے۔ترجمان محکمہ ہاؤسنگ کے مطابق اجلاس میں پنجاب واسا اور اس کی مختلف ایجنسیوں سے متعلق اہم ایجنڈا آئٹمز پر غور کیا جائے گا۔ ڈی جی واسا پنجاب طیب فرید اجلاس میں ایجنڈا آئٹمز پیش کریں گے۔اجلاس میں سیکرٹری ہاؤسنگ پنجاب نورالامین مینگل، سیکرٹری لوکل گورنمنٹ اور سیکرٹری فنانس بھی شرکت کریں گے۔ واٹر اینڈ سینی ٹیشن سیکٹر سے وابستہ ٹیکنیکل ایکسپرٹس بھی اجلاس میں شریک ہوں گے۔ترجمان کے مطابق پنجاب بھر کی تمام واسا ایجنسیوں کے منیجنگ ڈائریکٹرز (ایم ڈیز) اجلاس میں آن لائن شرکت کریں گے، جبکہ الجزاری واٹر اینڈ سینی ٹیشن اکیڈمی کے پرنسپل بھی اجلاس میں شریک ہوں گے۔ترجمان محکمہ ہاؤسنگ نے بتایا کہ اجلاس میں واسا کے انتظامی، تکنیکی اور سروس ڈلیوری سے متعلق امور پر غور کیا جائے گا۔ اجلاس کا مقصد پنجاب میں واٹر اینڈ سینی ٹیشن سروسز کو مزید مؤثر بنانے اور واسا ایجنسیوں کے امور میں بہتر رابطہ کاری و کارکردگی کو یقینی بنانا ہے۔
*پنجاب واسا کا تیسرا اہم اتھارٹی اجلاس کل منعقد ہوگا،چیئرمین چودھری شیر علی خان کریں گے*
