شہریوں کو ریونیو معاملات میں فوری ریلیف کی فراہمی کے لیے ضلعی انتظامیہ لاہور سرگرم عمل ہے۔ ایڈیشنل ڈپٹی کمشنر ریونیو حافظ کریم داد چغتائی نے اپنے دفتر میں عوامی شکایات کی سماعت کی، جس کا مقصد جائیداد کے دیرینہ تنازعات کا فوری حل اور ریونیو ریکارڈ میں شفافیت یقینی بنانا تھا۔ اس موقع پر اسسٹنٹ کمشنرز اور ریونیو عملہ بھی موجود رہا۔ ایڈیشنل ڈپٹی کمشنر ریونیو نے شہریوں کی شکایات خود سنیں اور جائیداد سے جڑے مختلف معاملات کا باریک بینی سے جائزہ لیا۔ فریقین کے دلائل سننے کے بعد میرٹ کی بنیاد پر موقع پر ہی ضروری احکامات اور فیصلے صادر کیے گئے۔ ایڈیشنل ڈپٹی کمشنر نے واضح کیا کہ ریونیو کے تمام معاملات میں کسی بھی قسم کی غفلت یا کوتاہی ہرگز برداشت نہیں کی جائے گی اور شہریوں کی جائیدادوں کا تحفظ ضلعی انتظامیہ کی اہم ترین قانونی ذمہ داری ہے۔ انہوں نے مزید کہا کہ ریونیو ریکارڈ کی درستگی اور اس کی فراہمی میں سو فیصد شفافیت ہر صورت یقینی بنائی جائے گی۔ حافظ کریم داد چغتائی کا کہنا تھا کہ شہریوں کو انصاف کی فراہمی ان کا مشن ہے اور ریونیو معاملات میں غفلت ہرگز برداشت نہیں کی جائے گی، تاکہ شہریوں کی جائیدادوں کا تحفظ اور ریونیو ریکارڈ کی درستگی ہر صورت یقینی بنائی جا سکے۔ انہوں نے کہا کہ ان کے دفتر کے دروازے تمام عام و خاص شہریوں کے لیے ہمہ وقت کھلے ہیں اور عوامی مسائل کے حل میں کسی قسم کی تاخیر کی کوئی گنجائش نہیں۔ ضلعی انتظامیہ لاہور شہریوں کو انصاف کی فراہمی کے مشن پر کاربند ہے اور عوامی شکایات کے تیز رفتار ازالے کے لیے مسلسل متحرک رہے گی، تاکہ ریونیو سے متعلقہ کسی بھی معاملے میں شہریوں کو غیر ضروری پریشانی کا سامنا نہ کرنا پڑے اور تمام درخواستوں پر بروقت کارروائی یقینی بنائی جا سکے۔
