صوبہ بھر میں موثر صفائی نظام برقرار رکھنے کے لیے ڈی جی ستھرا پنجاب اتھارٹی عمر جاوید عہدے کا چارج سنبھالتے ہی متحرک ہو گئے۔ستھرا پنجاب اتھارٹی ہیڈ کوارٹر میں پنجاب بھر سے ستھرا پنجاب ایجنسیز کے ایم ڈیز کااہم اجلاس طلب کیا گیا۔منعقدہ اہم اجلاس میں ڈی جی ستھرا پنجاب اتھارٹی عمر جاوید نےفیلڈ مانیٹرنگ افسران کو 24 گھنٹے فیلڈ میں متحرک رہنے،تمام افسران کو فیلڈ نگرانی کیلئے ڈیجیٹل ڈیش بورڈ کا بھر پور استعمال یقینی بنانے اور دیہی علاقوں کی کلیئرنس پر خصوصی توجہ دینے کی ہدایات جاری کرتے ہوئے آگاہ کیا کہ ستھرا پنجاب وزیر اعلیٰ مریم نواز شریف کا فلیگ شپ پروگرام ہے،اتنے بڑے پروگرام کی کامیابی ٹیم ورک سے ہی ممکن ہے۔مزید برآں تمام افسران کو اپنے اپنے علاقوں میں سینٹری ورکرز کی تنخواہوں کی ادائیگی فوری یقینی بنانے کے احکامات صادر کرتے ہوئے تاکید کی کہ پنجاب بھر کے کسی بھی علاقے میں کنٹریکٹرز کی جانب سے تنخواہوں کی عدم ادائیگی قابل قبول نہیں۔
