ایل ڈی اے،حج قرعہ اندازی،سات ملازمین اس سال حج کی سعادت حاصل کریں گے

ڈی جی ایل ڈی اے طاہر فاروق کی ہدایت پر ایل ڈی اے ملازمین کی کمپیوٹرائزڈ حج قرعہ اندازی کردی گئی۔کمپیوٹرائزڈ قرعہ اندازی کے ذریعے سات خوش نصیب ملازمین کا انتخاب کر لیا گیا۔اے ڈی جی ہیڈکوارٹرز اسامہ مجید چیمہ، اے ڈی جی کچی آبادیز اکبر نکئی،ڈائریکٹرایڈمن نازیہ موہل اورچیف آئی ٹی آفیسر عبدالباسط قمر نے قرعہ اندازی کی۔حج قرعہ اندازی کے موقع پر ڈائریکٹر فنانس کاشف عمران ودیگر افسران نے شرکت کی۔قرعہ اندازی میں ایل ڈی اے سٹاف ویلفیئریونین کے جنرل سیکرٹری فیصل بٹ، صدر رمضان گجر،خواجہ کاشف، اعجاز بٹ نائب صدر اور حافظ عبدالخالق نے بھی شرکت کی۔کامیاب ہونے والوں میں گریڈ1تا10کیٹگری کے محمد عبدالصمد باسط (مالی)،محمد امیر (نائب قاصد)،ندیم احمد (چوکیدار) اور اشفاق بیگ (ہیڈ مکینک) شامل ہیں۔گریڈ11تا16کیٹگری میں ماجد علی خان (اسسٹنٹ)،زرینہ مختار(کمپیوٹر آپریٹر) اورشازیہ سینئر (کلرک )شامل ہیں۔حج قرعہ اندازی میں ایل ڈی اے کے گریڈ 1 سے 16 تک کے ملازمین کو شامل کیا گیا۔ڈی جی ایل ڈی اے طاہر فاروق نے کہا ہے کہ حج قرعہ اندازی میں کامیاب ہونے والوں کومبارکباد پیش کرتے ہیں۔