میئر کراچی بیرسٹر مرتضیٰ وہاب کی ہدایت پر بلدیہ عظمیٰ کراچی نے کراچی کے ایک دیرینہ شہری مسئلے کے مستقل حل کی جانب اہم پیشرفت کرتے ہوئے جہانگیر روڈ کی مستقل بحالی اور اس سے متصل برساتی نالے کی تعمیرِ نو کے لیے ٹینڈر کا عمل باقاعدہ طور پر شروع کر دیا ہے، تمام اندرونی مراحل، تکنیکی جانچ پڑتال اور ضروری منظوریوں کی تکمیل کے بعد جہانگیر روڈ کی بحالی کے منصوبے کا ٹینڈر جاری کر دیا گیا ہے، ٹھیکیداروں کی خدمات حاصل کرنے کے لیے باضابطہ طور پر بولیاں طلب کر لی گئی ہیں، اس منصوبے کے لیے 30 کروڑ روپے کی رقم مختص کی گئی ہے جو مکمل طور پر کے ایم سی کے اپنے وسائل سے فراہم کی جارہی ہے، یہ مالی منظوری کے ایم سی کونسل نے دی تھی،منصوبے کا مقصد جہانگیر روڈ کی طویل المدتی اور پائیدار بنیادوں پر تعمیر و مضبوطی ہے تاکہ شہریوں اور روزانہ سفر کرنے والوں کو برسوں سے درپیش خستہ حالی اور ناکافی نکاسی آب کے مسائل سے نجات مل سکے، اس کے علاوہ کے ایم سی نے ناتھا خان برج کے مقام پر متبادل سڑک کی تعمیر کے لیے بھی ٹینڈر جاری کر دیا ہے جو شہر کی ایک اہم رابطہ سڑک ہے، 78 کروڑ روپے مالیت کا یہ منصوبہ علاقے میں ٹریفک کے دباؤ میں نمایاں کمی اور بہتر سفری سہولت فراہم کرے گا،میئر کراچی بیرسٹر مرتضیٰ وہاب نے متعلقہ تمام محکموں کو ہدایت کی کہ وہ عملدرآمد کے مراحل کو تیز کریں، ہر سطح پر شفافیت یقینی بنائیں اور مقررہ ٹائم لائنز کی سختی سے پابندی کریں، انہوں نے کہا کہ ان منصوبوں کی بروقت تکمیل شہریوں کی آمدورفت میں بہتری، مسائل کے حل اور پائیدار شہری ترقی میں اہم کردار ادا کرے گی،میئر کراچی نے کہا کہ کراچی کے لوگ قابلِ اعتماد انفراسٹرکچر کے مستحق ہیں اور ہم اسے فراہم کرنے کے لیے پرعزم ہیں، یہ منصوبے ہمارے اس عزم کی عکاسی کرتے ہیں کہ ہم اس شہر کو مؤثر، ذمہ دارانہ اور طویل المدتی منصوبہ بندی کے ساتھ دوبارہ تعمیر کریں گے۔
Read Next
9 گھنٹے ago
بلدیہ عظمیٰ کراچی ترقیاتی کاموں اور عوامی خدمت میں نمایاں کردار ادا کرتی رہے گی۔میئر کراچی بیرسٹر مرتضیٰ وہاب
1 دن ago
کراچی کےبلدیاتی مسائل ترجیحی بنیادوں پر حل کئے جارہے ہیں،کرم اللہ وقاصی
1 دن ago
میئر کراچی بیرسٹر مرتضیٰ وہاب نے ضلع شرقی میں اولمپئن اصلاح الدین روڈ کی تعمیر و بحالی کے منصوبے کا افتتاح کردیا
2 دن ago
میئر کراچی بیرسٹر مرتضیٰ وہاب نے پاکستان چوک کے پارک کی تزئین و آرائش کے بعد منصوبے کا افتتاح کردیا
3 دن ago
بلدیہ عظمیٰ کراچی رمضان المبارک سے قبل برنس روڈ کو جدید اور شاندار فوڈ اسٹریٹ میں تبدیل کرے گی،میئر کراچی مرتضیٰ وہاب
Related Articles
کلفٹن آدم روڈ کی بہتری و بحالی کے منصوبے کا سنگِ بنیاد رکھ دیا،میئر کراچی بیرسٹر مرتضیٰ وہاب
4 دن ago
میئر کراچی نے پی آر سی پمپنگ اسٹیشن کی بحالی کے بعد افتتاح کردیا،30 سال بعد کیماڑی میں بلک واٹر سپلائی میں نمایاں بہتری
5 دن ago



