وزیر اعلیٰ گلگت بلتستان امجد حسین کی خصوصی ہدایات پر محکمہ خزانہ، حکومت گلگت بلتستان اور محکمہ تعمیرات و محکمہ برقیات کے اشتراک سے بجٹ کی بلاک مختص رقوم کے انتظام اور نگرانی کو مؤثر بنانے کے لیے آن لائن ریسورس بجٹنگ اینڈ انٹیلیجنٹ ٹریکنگ (ORBIT) پورٹل کامیابی سے نافذ کر دیا گیا ہے.ایک اہم سنگ میل عبور کرتے ہوئے محکمہ تعمیرات نے ORBIT پورٹل کے ذریعے اپنی پہلی ایڈمن اپروول (Admin Approval) جاری کر دی ہے.
آربٹ پورٹل (Orbit portal)کاموں کی منظوری، بجٹ کی دستیابی کی جانچ، مختص رقوم کو متعلقہ کام کے لیے محفوظ کرنے، اور فنڈز کے اجرا و ازسرنو تخصیص کی درخواستوں کو ایک مربوط ڈیجیٹل طریقہ کار کے تحت یکجا کرتا ہے. ہر کام کو اس کے بجٹ اور معاون ریکارڈ سے منسلک کرکے یہ پورٹل اخراجات پر کنٹرول مضبوط بناتا ہے، ایک ہی کام کے لیے دوبارہ مالی ذمہ داری عائد ہونے اور دستیاب بجٹ سے زائد رقوم مختص کرنے کی روک تھام میں مدد دیتا ہے، اور شفافیت اور جواب دہی کو بہتر بناتا ہے.حکام کا کہنا ہے کہ یہ سنگ میل ڈیجیٹل طرز حکمرانی اور عوامی وسائل کے مؤثر استعمال کے لیے حکومت کے عزم کو مزید آگے بڑھاتا ہے.
محکمہ خزانہ گلگت بلتستان کا آر بٹ پورٹل کامیابی سے نافذ،محکمہ تعمیرات کی پہلی ایڈمن اپروول جاری
