وزیر اعظم پاکستان میاں محمد شہباز شریف نے آزاد جموں و کشمیر کے معاملات کا جائزہ لینے،وعدوں کو پورا کرنے اور ترقی کے عمل میں شامل کرنے کے لئے وفاقی کمیٹی کا نیا نوٹیفکیشن جاری کردیا ہے۔ آزادکشمیر کے معاملات کیلۓ قاٸم اسٹیئرنگ کمیٹی میں پیپلزپارٹی آزادکشمیر کے صدر چوہدری یاسین اور سیکرٹری جنرل فیصل راٹھور کو بھی شامل کر لیا گیا۔وزیر اعظم کے پروگرام برائے ترقی آزاد جموں و کشمیر کی اسٹیئرنگ کمیٹی کے چیئرمین رانا ثناء اللہ خان وفاقی وزیر برائے آئی پی سی/ وزیر اعظم کے سیاسی اور عوامی امور کے مشیرہیں،ممبران میں انجینئر امیر مقام وزیر امور کشمیر و گلگت بلتستان، راجہ ایم فاروق حیدر خان سابق وزیر اعظم آزاد جموں و کشمیر، راجہ پرویز اشرف، ایم این اے،سید خورشید شاہ، ایم این اے،سید نوید قمر، ایم این اے،محمد حنیف عباسی ایم این اے،بیرسٹر عقیل ملک، ایم این اے، ملک ابرار احمد، ایم این اے، شاہ غلام قادر، ایم ایل اے، اے جے اینڈ کے،راجہ فیصل ممتاز راٹھور، ایم ایل اے، اے جے اینڈ کے 12۔ چوہدری۔ محمد یاسین، ایم ایل اے، اے جے اینڈ کے،سیکرٹری امور کشمیر اور جی بی،چیف سیکرٹری، اے جے اینڈ کےسیکرٹری آئی پی سی شامل ہیں۔کمیٹی وزارت بین الصوبائی رابطہ سیکرٹریٹ کے طور پر کام کرے گی۔کمیٹی مالی سال 2024-25 کے بجٹ اور پی ایس ڈی پی پروگرام میں طے شدہ اقدامات اور اصلاحاتی اقدامات پر اتفاق رائے پیدا کرنے کے لیے آزاد جموں و کشمیر کے اسٹیک ہولڈرز کے ساتھ مشغول ہو گی۔
